EDITORYAL - Dugang burukrasya
(Banat) - December 12, 2019 - 12:00am

Usahay nganong dili masulbad kining mga gagmay nga problema ug modako na hinuon,tungod kini sa walay pagpakabana. Makita kini bisan mismo sa gobiyerno sa Pilipinas diin ang mga ahensya dili manumbaling kay para nila dili ilang hurisdiksyon bisan og ang isyu wala lang maklaro o tuyong di klaruhon aron maglikay sa trabaho apan kabalo silang ang gobiyerno ra gihapoy mabasol.

Sama nalang sa mga polis, bisan nakakita na silang dunay kalapasan sa trapiko, dili sila mosita kay naay traffic enforcers nga gisweldohan para ana.

Usa ka ehemplo niini kanang mga drayber nga magpaugat bisan dili terminal adto mopundo aron manawag og pasahero. Way traffic enforcer, pero dunay polis sa ilang tungod, apan naanad naman sila nga di sila sitahon (basta dili lang taga Highway Patrol Group) dili sila mahadlok molapas sa lagda sa trapiko.

Kun tanan palang tinugyanan sa gobiyerno, polis man o sibilyan, magpakabana dayon, hagbay rang nahapsay sa Pilipinas. Ang kinaiya karon, basta dili klaro kang kinsa nga tahas o dili ilahang hurisdiksyon bisan kinahanglang aksyonan, dili gyud magpakabana. Sama ra kini gihapon niining mga planong pangpormahong bag-ong mga ahensya o departamento sa gobiyerno aron kunohay matutokan ang mga problema.

Apan kun buot tan-awon, ang problema sakop pa diay sa usa ka departamento nga nagtinapolan lang. O ba kaha dili kwalipikado ang mga tawong gibutang maong dili sila kasulbad sa problema. Dunay planong magtukod og lahi nga departamento para sa mga overseas employment, departamento sa pagresponde sa panahon sa katalagman, duna pay departamento para sa water resources.

Daan ng dunay bag-ong departamento nga naporma nga mao ang Department of Information and Communications Technology ug ang Department of Human Settlements and Urban Development (DHSUD), apan unsa may naka-espesyal sa ilang bulohaton nga wala sa kasamtangang mga departamento? Di ba kini duplikasyon? Nagdugangdugang lang kini sa gidaghanon sa pasweldohan ug nagpataas sa burukrasya. Kuwang lang gyud sila og pagpakabana ug sa katapolan.

HIGHWAY PATROL GROUP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with