Ang good news ug bad news
AMBOT LANG - Gerry Auxilio (Banat) - December 12, 2019 - 12:00am

Gipahibawo ni Senador Bong Go nga mohatag og Christmas incentive ang Malakanyang sa mga opisyal sa barangay lukop nasud og P3,000. Kini human misugot si Presidente Rodrigo Roa Duterte sa iyang hangyo nga hatagan og Christmas incentive ang mga opisyal sa Barangay.

Gipahibawo sa senador nga iya nang giduso sa Senado ang balaudnon nga naghatag og insintibo sa mga opisyal sa Barangay.

Gipasabot ni Go nga gikinahanglan nga mahatagan og Christmas incentive ang mga opisyal sa barangay agi og pag-ila sa ilang natampo ug kakugi sa paghatag og serbisyo ngadto sa ilang katawhan sa barangay.

Ang makadawat og insintibo mao ang mga kapitan ug mga konsehales ingon man ang chairman sa Sangguniang Kabataan.

Moabot gayod sa dunggan ang ngisi sa mga opisyal sa barangay tungod sa kalipay ilabi na og madawat na nila ang Christmas incentive gikan sa Malakanyang. Apan kon miabot man sa dunggan ang ngisi sa mga kapitan ug konsehal, ang dagway sa mga sekretarya ug tresurera magmugtok ug ang ilang ngabil murag gibitayan og kaldero tungod sa kaguol kay wala maapil sa makadawat og insintibo.

Maong akong giawhag si Go sa pag-apil sa mga sekretarya ug tresurera sa makadawat og Christmas incentive tungod kay mga opisyal pud sila sa barangay. Duha man gud ka klase ang opisyal sa barangay ug kini mao ang mga pinili sa katawhan sama sa mga kapitan ug konsehal ug mga tinudlo sama sa sekretarya ug tresurera.

Dili pud makiangayon nga dili apilon sa paghatag sa insentibo ang mga tinudlo nga opisyal sa barangay tungod kay katambayayong ni sila sa pag alagad ug pagserbisyo sa katawhan.

Hinaut pa unta nga paminawon kining akong ubos nga awhag ngadto ni Go ug Duterte.  

BONG GO CHRISTMAS INCENTIVE RODRIGO ROA DUTERTE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with