Economic Sabotage
BALITAHOM - Atty. Jose Marie N. Poblete (Banat) - December 12, 2019 - 12:00am

Gikataho nga mimando si Presidente Duterte pagpasaka og kaso batok sa tag-iya ug mga opisyales sa Manila Water ug Maynilad tungod sa giingon nga mga kahiwian nga nahimo sa maong mga utility company batok sa nasod nga matawag kuno nga economic sabotage. Inay mohatag sila sa gikinahanglan nga tubig aron pagtagbaw sa kauhaw sa katawhan, sa gibuhat sa maong mga kompaniya, sama ra nga ilang gitupsan, gipahubsan ug gipaughan ang dugo nga naglatay sa ekonomikanhong kaugatan sa atong nasud. Kadakong baligho kon mao man ugaling. Kurakot pa more!

Small Business, very hot

Bisan pa man sa di maayong resulta sa assessment nga gihimo sa PISA mahitungod sa kahimtang sa atong educational system, namulong gihapon ang tigpamaba sa Presidente nga si Salvador Panelo nga nahasubay gihapon sa hustong agi-anan ang atong “education reform plan.”  Kon mapatuman na ang reporma sa edukasyon, gawas nga molambo na ang matang sa atong edukasyon, dili na unya kita makakita og maestra nga mamaligya og snacks sama sa ice candy ug ubang chichirya ngadto sa mga kabataan.  Ang nanaway miingon, “Inay magtudlo, nagnegosyo na man hinuon si Maam.”  Tubag ni Maam, “Pastilan, Small business, very hot”!

May katungod mobiyahe

Usa ka babaye nga pasahero sa eroplano gikataho nga napaakan sa tanga kon scorpion atol sa panaw sa eroplano gikan sa San Francisco ngadto sa Atlanta sa Estados Unidos.  Dili kini una nga higayon nga adunay napalgan nga scorpion sulod sa eroplano.  Dili lang diay tawo ang makahunahuna pagbiyahe ilabi na kon ang tumong mao ang pagpangita og tingusbawan.  Mao na’y giingon nga, “Hayop ka man, molangyaw ka usab.” Hala no!

Naunay sa iyang komedya

Pasakaan og kaso sa kapolisan ang usa ka lalaki nga nagbandilyo sa iyang kaugalingon diha sa Facebook nga siya kuno biktima sa pagpangidnap.  Ang iyang gibuhat kalapasan sa P.D. 90 ug sa Republic Act 1175.  Tuyo sa kapolisan nga matudloan og leksyon kadtong mga tawo nga magsabwag og mga binuang ug dili tinuod nga balita.  Naunay ang maong lalaki sa iyang binuang. Tukma kaniya ang linya sa kanta sa Bee Gees nga nagkanayon, “I started the joke, which started the whole world crying…But I didn’t see, that the joke was on me.”  Mirisi!

Wala mahimo kon di mo-“Istap”

Gipasirad-an ni Mayor Ahong Chan sa Lapu-Lapu City ang usa ka piggery ug poultry farm sa Barangay Mactan gumikan sa mga kalapasan niini sa lokal nga ordinansa ingon man sa di maagwanta nga baho gikan sa maong patigayon. Dili mapugngan sa tag-iya nga mopagawas sa ilang hugaw ang iyang mga hayupan; ug dili usab niya mapugngan ang pagpadpad sa hangin sa baho gikan sa hugaw.  Walay nakatambag sa tag-iya nga modangop ug mangayo ug tabang ngadto sa usa ka inila nga pastor nga momando sa pag-“ISTAP” sa   baho ug sa pagkuyanap niini.  Pagkatoytoy!

DUTERTE MANILA WATER MAYNILAD
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with