EDITORYAL - Sayop nga paggamit sa social media
(Banat) - December 7, 2019 - 12:00am

Sa nakalabay nga semana nakahatag og kahasol sa publiko kining mga nanggawas nga mga post ug viral videos diha sa social media kabahin sa matud pa puti nga van o green nga van nga manguha og tawo.

Gipasupotan pa gyud kini og video sa tawong giablihan ang ginhawaan nga daw giihaw nga may caption nga gipangkuhaan kini og internal organs kay ibaligya sa mga nagkinahanglan niini.

Fake news kadto, kay klaro kaayo nga sa sud kini sa usa ka baratuhong punerarya nahitabo. Ikaduha, way tambalanan nga mopalit og internal organs nga gi-harvest sa ingon niini nga pamaagikay makontaminado ang internal organs.

Bisan gani pag-donate og dugo sa paryente ngadto sa pasyente kinahanglan man gani ipaubos og makuting screenings, kana pa kahang internal organs maoy ibalhin?

Sa ingon ana palang, syaro naman motuo lang gihapon ang mga netizens sa mga gipang-post sa mga kwestyonableng sources.

Mao ni ang resulta sa mga tawong nagpadala lang sa emosyon ug nagapos na sa impluwensya sa mga nagsige og post og fake news sa internet.

Ang mga lehitimong media outlets gisalikway kay mas ganahan sila sa mga nag post og fake news.

 Paspas na kaayo ang teknolohiya karon tungod sa internet apan tataw kaayong daghan pa gihapong mga tawo ang kuwang og edukasyon kabahin sa hustong paggamit niini.

Ang internet usa ka gamhanang kahimanan para sa komunikasyon ug pagsabwag og impormasyon para sa tanan.

Ang mga otoridad nagsige og panawagan ug pasidaan sa katawhan nga dili gamiton ang internet sa binuang, gani duna gyuy balaod nga gihimo aron dili kini abusaran sama sa Anti-Cyber Crime Laws, Cyber Libel ug daghan pang uban.

Kun gamiton lang kini sa tinarong dako kaayo kini og matampo sa tawong mogamit niini, apan kun gamiton sa binuang dako sab kini og kadaut nga ibunga ngadto sa mga makabasa.

VIRAL VIDEOS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with