Kinsay dapat moprobar kun nabayran na ba ang utang?

Dear Atty. Divine,

Ang akong mama giutangan sa iyang amiga og P250,000.00. Ang ilang sabot sa nangutang basi sa promissory note nga bayran kini sud  sa unom ka buwan. But after 6 months wa gyud kini  ma fully paid og mibayad lang kini og P50,000.00 sa akong mama. Sa dihang nagdumili   pagbayad sa balance ang nangutang, mipasaka og reklamo sa barangay ang  akong mama batok sa nangutang niya. Sa dihang nag- atubang sila sa barangay, mi claim kini nga nabayran na daw niya ang utang hinungdan nga gipangayuan  siya og proof apan wa siyay gika-present ug matud niya ang akong mama ang dapat moprobar niini. Ang akong pangutana,  kinsay dapat moprobar nga nabayran na ang utang, ang akong mama o ang nangutang niya? Daghang salamat.

Christine

* * *

Dear Christine,

Kun ang imong mama adunay gipakitang promissory note nga pinirmahan sa nangutang niya, usa na kana ka ebidensya sa utang, kun ang nangutang mi claim nga nabayran na niya ang utang then siya ang dapat moprobar nga fully paid na niya ang utang. Basi sa mga nahaunang desisyon sa Korte Suprema kini nagkanayon nga sa Civil Cases kadtong nangangkon nga nabayran na niya ang utang maoy dunay obligasyon sa pagprobar niini ilabi na kun ang giutangan nakapakita og proof sa maong utang. Busa sa kaso sa imong mama, ang  nangutang niya ang dapat moprobar  nga siya nakabayad na. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News or email sa [email protected] ug akong tubagon  ang inyong  pangutana pinaagi sa akong column matag Miyerkules,  Sabado ug Domingo.