Pro-rated bonus
RENBOR PATROL - Rene U. Borromeo (Banat) - December 7, 2019 - 12:00am

Suporta ko sa tinguha ni Cebu City Councilor Eugenio Gabuya Jr. nga kadtong mga kawani sa siyudad nga na-terminate na sa serbisyo niadtong Hunyo 30 pagbanos si Mayor Edgardo Labella, angay sila nga hatagan og pro-rated nga bonus.

Base sa balaod kun nakaserbisyo ang usa ka kawani og upat ka buwan sa usa ka tuig, mahimo na siya nga kahatagan og pro-rated bonus, ang kantidad dili kompleto sama sa nakaserbisyo og usa ka tuig, apan makadawat gyud sila.

Si Konsehal Gabuya maoy naninguha niini kay daghang kawani sa City Hall nga na-terminate na sa serbisyo, midangop kaniya aron nga kahatagan unta sila og bonus.

Atol sa budget hearing kagahapon, nahukman nga ang mga sakop sa PRAISE (Program on Awards and Incentives for Service Excellence) magtigum unya sa Lunes aron hisgotan nila kining mao nga isyu.

Bitaw, ang paghatag og bonus nagumikan man kay ang Cebu City government nakaangkon og daghang awards sa maayo niining serbisyo sa tuig 2018 ug karong tuiga.

Sa ato pa, makiangayon lang nga kadtong mga gi-terminate sa miaging Hunyo 30, apilon sa paghatag.

* * *

Nagkahinabi mi ni Police Major Chuck Barandog kaniadtong miaging gabii. Siya maoy adviser ni Mayor Labella kabahin sa mga isyu nga naglambigit ang Peace and Order, apil na niini ang traffic.

Isip usa sa mga sakop sa Cebu City Traffic Management Coordinating Board, gitug-anan nako si Chuck sa akong mga gustong himoon aron pagpahapsay sa trapiko dinhi sa dakbayan.

Gitug-anan sab ko niya nga dili gayud siya motugot og mga binuang, ug may gitug-an siya nga kasayuran sa kanhi mga nagdumala sa CITOM nga nakapanglingo-lingo ko.

Giingnan ko ni Chuck nga may mga kawani na diay sa CITOM nga iyang gipataktak tungod kay nasayran niya nga nalambigit kini og pagpangilkil, ug ang uban mihimo og mga abuso.

Usa sa gitaktak ni Chuck ang usa ka giingong “untouchable” nga kawani sa CITOM kay pinasulod lagi og konsehal sa siyudad.

Nagtoo tingali nga dili gyud siya mataktak, aw, nagpadayon sa iyang kabuang.

Wala magpanuko si Chuck sa pagpataktak sa trabaho sa mao nga kawani ug ang iyang “backer” nga konsehal, walay nahimo.

Karon bitaw, nagsugod na ko pagpaniid kinsa ning mga traffic enforcer nga tapolan.

Mga traffic enforcer nga bisan og nagkaguliyang na ang eskina nga walay traffic lights, maghinan-aw lang ug tua ra sa layo nagbarug nga nanighawak pa.

Mahimo man gud nga i-disregard ang traffic lights ug imano-mano ang pagdumala sa traffic kon kinahanglan.

Pananglit walay sakyanan sa pikas karsada, pero Go pa ang signal, mahimong palutson na ang mga sakyanan sa pikas nga nagpunsisok. Common sense.

EDGARDO LABELLA PRO-RATED BONUS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with