Gipakaan og libel tungod sa FB post

Dear Atty. Divine,

Ang akong anak gipasakaan og kasong Cyber Libel tungod sa iyang gi post sa Facebook wall batok sa iyang amiga. Apan matud sa akong anak pulos man tinuod ang iyang gi post batok sa iyang kanhi amiga.

Ang akong pangutana kun pwede ba diay mapasakaan og kasong Libel bisan kun tinuod ang imong gi post? Pwede ba kining maoy depensa sa akong anak? Daghang salamat.

Mira

* * *

Dear Mira,

Kun ang subject sa libelous nga posts sa imong anak usa ka pribadong tawo, ang proof of truthfulness dili kini magamit nga depensa kun way maayong motibo  or justifiable intentions ang pag post sa maong libelous comments.

Basi sa Article 354  sa Revised Penal Code kini nagkanayon: “ Every defamatory imputation is presumed  to be malicious, even if it be true, if no good intention and justifiable motive for making it  shown.”

Hinuon duna kini exception but kinahanglan imong probahan nga maayo ang imong intensyon. Busa sa kaso imong anak, general rule dili niya magamit nga depensa bisan kun tinuod ang iyang gi post gawas lang kun maayo ang iyang intention ug ma justify niya kini. Thanks and God bless.

Atty. Divine,

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.