Obligasiyon bang magpakaon?
JAV, BANATI! - Javier Tapulado (Banat) - December 1, 2019 - 12:00am

Panahon sa piyesta, kinaiya sa Pinoy nga maghikay aron ipakaon sa mga bisita. Hasta pobre, bisag walay mahikap, magpakanaa. Haskang binuk-anay sa alkansiya aron may magamit nga kuwarta!

Ingon niini ang taras sa Pinoy. Very hospitable. Bisag nagnihit, hala mangutang! Ang importante, mabuhong sa kabusog ang bisita, bahalag ulseron ang bolsa sa gibisita.

Sa probinsiya, ultimong payag gipuy-an, maghikay gyod kon piyesta. Busa dili ikahibulong, nga dihang gipakaon lag kikiam ang mga atleta sa 2019 South East Asia Games (SEAG), mibaha sa Facebook ang grabeng pagsaway gikan sa mga netizens ngadto sa mga nanagdumala niini.

Hinuon, ang kadagkoan sa Whitwoods Convention and Leisure Hotel, kinsa maoy miatiman sa mga miyembro sa Philipine women’s football team, mipahayag nga chicken sausage ang ilang gidulot ngadto sa mga atleta, isip usa lamang sa  mga potahe sa ilang breakfast buffet, nga sukwahi kaayo sa gipadagang balita sa social media nga kikiam, kan-ong humay ug itlog ra kunoy ilang gipapakon.

Giklaro ni Hotel President and CEO Edgardo Capulong, nga ang kikiam wala mahilakip sa ilang menu ug ang gipreparar nilang pagkaon miagig makuting pag-usisa sa Philippine Southeast Asian Games Organizing Committee (Phisgoc) Food Audit Team.

Nahimong kontrobersiyal kining maong isyu nga daw side dish nga gisula sa pamahaw, paniudtog panihapon sa nagpakabanang katilingban ning atong nasod.

May nakapangutana: “Wala ba kaha kini tuyoa paghimo sa mga taga anti-Duterte aron makamugnag dakong kaulawan panahon ning iyang administrasiyon, diin nagtan-aw ang tibuok kalibotan ning 2019 SEAG?” Pero yuna, obligasiyon ba gyod sa Pilipinas nga mopakaon sa tanang participating athletes? Aniay paambit ni Senate President Tito Sotto:

“In the SEA/Asian games I’ve participated in, we were left by the host country to fend for ourselves. If possible, they even make us uncomfortable to make sure we lose to them.” Kon ang mga datong nasud, wala magpakabana unsay kan-on sa ilang bisita, nganong ang pobreng Pilipinas mahingawa man kon dili makapakaog lami sa mga dayohang atleta?

Kinahanglan pa ba gyod diay nga mogastog binilyong salapi aron ingnon tang very hospitable country?

Gihatag pa hinuon ning binilyon nga SEAG budget sa mga kabos, kinsa anha lang mangukayg pagkaon sa basurahan, malipay pa ang Ginoo.

OBLIGASIYON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with