Bringing the hope and dreams of the youth
JAV BANATI - Javier Tapulado (Banat) - November 29, 2019 - 12:00am

Premarital sex is against the law of God. Pero pirmeng gibuhat sa tawo. Ambot, pipila na lang kaha ka managhigugmaay (lalaki’g babaye) nga birhen pa sa adlaw sa ilang pagpakasal atubangan sa altar sa Diyos? Aduna pa kaha?

Kun gituman pa lang ang awhag sa atong Magbubuhat nga dili makighilawas samtang dili pa makasal, wala untay babaye nga mamahimong inahan apan dili asawa human biyai sa lalaking nakabuntis.

Wala untay daghang single mother nga mapugos intawon pagpanginabuhi sa kangitngit aron buhion ang anak sa salaping gikan sa padayong pagpakasala.

Wala untay aborsiyon nga molaglag sa bag-ong kinabuhi sa inosenteng anghel nga nahulma sa makasasalang hulmahan.

Kun girespeto pa lang ang gidiling pre-marital sex, diin tungod sa pagsupak, napugos ang lalaki pagpakasal sa gipamabdosang babaye, wala untay kaminyoon nga mabungkag, diin usahay mosangko sa annulment o panagbulag.

Kaaway sa Ginoo ang pre-marital sex.  Kay matud Niya: “Kutob sa kinsay gihiusa sa Diyos, walay si bisan kinsa ang makabulag niini.” Ug tungod kay pirme kining gisupak sa tawo, naangkon sa tawo ang  mapintas apekto sa iyang pagkagahig ulo.

Daghang nabuntis nga wala pakasli. Daghang mimabdos ug nanganak nga igo rang gipuyopuyo. Matudloan kaha ilang mga anak pagsubay sa matarong dalan sa kinabuhi kon sila mismong ginikanan, wala man gani mosunod sa Ginoo? Mahatagan kaha nilag hayag nga kaugmaon ang gipadulngang ugma sa mga bata?

Sa pagkahimugso ta ning kalibotan, kita may sala na daan ang sala nga panulondon. Apan gihatagan tag kahigayonan sa Ginoo nga mahugasan kining maong sala pinaagi sa Sakramento sa Bunyag. Hinungdan, nga importante gyod sa mga ginikanan ang pag-amping, pagmatoto ug pag-agak sa bata subay sa dalan paingon sa langit.

Obligasiyon sa ginikanan ang pagpaedukar ug pagpahimutang sa anak. Nungkang  ang anak maoy mobuhi sa ginikanan.

Matag bata adunay iya-iyang pangandoy ug damgo. Responsibilidad sa ginikanan ang pagpaminaw, pagdasig ug paggiya niini ngadto sa diniyos nga katumanan. 

Ning atong panahon, diin morag mao nay mohari sa kalibotan ang daotan, ‘bringing the hope and dreams of the youth for a renewed evangelization’ maoy kinahaitang hinigiban nga mapungan ang hingpit nga pagkapalong sa nagkaawop nang kaugmaon sa atong kabatan-onan.

GOD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with