Mubo man tuod si Saqueo
MGA LAMAS SA KINABUHI - Fr. Rey Cui (Banat) - November 20, 2019 - 12:00am

Interesante kaayo nga imahen si Saqueo sa atong ebanghelyo. Bisan tuod kun dato siya apan tungod sa iyang panginabuhi isip kobrador sa buhis nahimong ubos ang pagtan-aw kaniya sa katawhan. Ug tingali ang maong panlantaw nakaapekto pud mismo sa panlantaw niya sa iyang kaugalingon. Hangtud nga niabot ang punto nga daw nahimo siyang inihid sa pagtahud diha sa iyang katilingban. Tungod sa iyang kamubo naningkamot siya og paagi nga makita niya ang atonrg Ginoo.

Sigun pa sa asoy sa ebanghelyo, si Saqueo misaka sa kahoy nga sikomoro aron makakita siya og mas nindot nga anggulo sa iladong Magtutudlo.

Tuod man, bantang kaayo kang Saqueo ang Magtutudlo nga gusto unta niyang makahimamat.

Sa maong kahimtang ang Ginoo nipasalig nga adto siya modayon sa balay sa makasasala niadtong adlawa. Bisan pa man kun kini nakahaling og dakong kalagot sa mga self- righteous, apan nahimo kining dakong kalipay alang kang Saqueo nga tungod niini nausab gyud ang iyang kinabuhi alang sa kaayohan ug kapasayloan.

Gani, nihimo pa siya og reparation sa tanan niyang kadaut nga  nahimo.

Ning paagiha nahimong mas makahuloganon ang maong pagduaw ug paghatag og pagtagad ngadto kaniya. Ang tawo nga makasinati og kahayag kun siya hatagan og importansiya sa uban.  Kun mahatagan lang unta ang matag usa sa kahigayonan nga magbag-o ug ang matag usa unta magtinguha sa k abag-ohan mamahimo untang nindot ang atong kalibutan.

Ang maong kahimtang maghatag unta kanato og igong kadasig nga maningkamot alang sa kabag-ohan di lang sa atong kaugalingon kondili usab sa uban.       

* * *

Katalagman ug teknolohiya

Paspas ang teknolohiya ug dako ang atong pagtuo nga ang teknolohiya makatabang dako uyamot natong mga tawo diha sa paghimo sa atong gusto apan sa laing bahin angay natong hunahunaon nga usahay kun unsa kapaspas ang teknolohiya usahay mamahimong hinay usab ang atong  panghunahuna kini tungod kay nahikawan kita sa paggamit nuon sa atong sentido komon labina sa mga higayon sa katalagman.

Hinuon personal lang kining obserbasyon.  Pananglitan sa sunog imbis mangita og baldi aron kasudlan og tubig unahon man dayon ang cellphone aron maka upload sa pictures.

Mao nga imbes masulbad ang problema mosamot naman nuon ang tanan. Makapaulbo sa kalagot sa masig-kahabig ug sa mga hingtungdan. Ingon ini ang kinabuhi karon puno na sa insensitivities ang matag tawo.

Hain ug asa kutob ang hashtag keep safe everyone kun ikaw kutob lang sa pag-post apan wala kay gibuhat nga mas konkreto pa kay sa bisan unsang anaa sa imong hunahuna? Mao gyud tingali ning hunahunaa nga dili gyud ko ganahan og mga tawong naglabi lang ang estorya apan walay buhat ni naglabi lang ang pasiatab apan wala makita sa ilang kinabuhi.

Ako mismo mas ganahan nga magpakahilom na lang apan padayon nga molihok. Ang matag tawo nahimong daw sa niudhak.

SAQUEO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with