Killer karsada
LABTIK - Alan Domingo (Banat) - November 20, 2019 - 12:00am

Usa ang namatay ug lima ang grabeng naangol sa nahitabong vehicular accident sa Sitio Garahe Baranggay Busay,  Cebu City.

Sakay sila sa multicab nga pick up time padulhog na unta balik sa siyudad kagahapon sa hapon.  Sumala sa mga imbestigador nga posibleng nakainom og bino ang mga sakay sa multicab.

Gidasonan usab sa mga molopyo sa dapit nga hilabihan kuno ka saba ang mga nanakay ug kusog kaayo ang dagan.

Milahos kini sa punoan sa kahoy kay posibleng na out balance ang driver nga wala na kabawi og didto ang disgrasya.

Ang driver sa multicab naangol apan grabe nga naa usab karon sa tambalanan kauban ang laing mga survivors.

Ingon gyud niini ang mahitabo kun dili magmatngon ang mga magmaneho sa mga sakyanan.

Walay maayong laki nga driver kun makainom kay naulipon naman sa espirito sa alak.

Ang nahitaboan sa aksidente hilan kuno kay daghan nang mga motorista ang nadisgrasya ug namatay.

Gani dunay mga krus nga gipang ugbok sa dapit timaan nga dunay nakalas sa aksidente.

Sumala sa residente nga maghilak ang buwan kun walay kuhaon nga kinahuhi sa dapit diin kasagaran ga motorsiklo.

Mitumaw dayon ang katuohan dili nga estory nga ang mga kalag sa mga nadisgrasya sa dapit manguha kuno og mga tawo maong maaksidente.

Usahay makakita sila og siga panahon sa gabii nga gitawag nila og santilmo, naa usahay tingog nga ilang gakadunggan.

Bitaw dili nato makwestyon ang mga residente sa ilang kasinatian kay sila may taga didto.

Apan ang labing klaro nga nakaingon sa disgrasya mao ang ka kurbadahon ug padulhog nga dapit diin gamay’ng sipyat sa menteryo gyud diretso.

Busa pahimangno lang sa mga motorista walay laing taming batok disgrasya kun dili ang pag amping.

Bahala’g hinay ang dagan makalahutay ra gyud ug moabot ra sa destinasyon kay sa kusog kaayo aw segurado gyud nga mosangpot sa trahedya.

Dili gyud kapangantihan ang pagbiyahe kay sama kita sa naglatay sa gamay’ng pisi niana nga kun dili mag amping mahulog gyud.

ACCIDENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with