EDITORYAL - Flagship projects ni Duterte
(Banat) - November 16, 2019 - 12:00am

Samtang nindot kaayo paminawon kaning agresibong “build, build, build” program ni Presidente Duterte, apan subo lang nga sa pagkatinuod gamay palang gyud sa iyang ang nahuman sukad sa iyang paglingkod.

Maayo kaayo ang tumong sa presidente tungod kay dunay maayong balik sa ekonomiya ang maong mga dagkong infrastructure projects.

Ang mga supporters ni Duterte misaway sa nakalabay nga administrasyon kay matud pa nila wala kini nahimong dagkong infrastructure projects tungod sa kurapsyon. Mipasiatab sab silang daghang nahumang proyekto ang administrasyong Duterte bisan og ang uban nasugdan sa nakalabay pang administrasyon ug karon lang natapos.

Sama nalang sa proyekto sa Mactan Cebu International Airport, sa mga wala masayod, nasugdan ang pagpanindot ug pagpalapad niini sa panahon pa sa administrasyong Aquino apan sa paglingkod na ni Duterte natapos ug siya maoy nisubo niini.

Ang Bohol-Panglao International Airport nga natapos ug gisubhan ni Duterte niadtong 2018, proyekto pa kini ni Aquino nga gisugdan og tukod niadtong 2013.

Naa pa didto sa Luzon ug Mindanao nga hangtud karon padayon pang gitrabaho apan makompleto sud pa gihapon sa termino ni Duterte.

Aron magiyahan ang publiko, si Duterte adunay 75 ngadto sa 100 ka flagship programs sa iyang “build, build, build.” Apan tulo ka tuig gikan sa iyang paglingkod siyam palang maoy nahuman.

Ang uban niini proyekto pa ni Aquino nga giusab aron ipahaom sa programa sa kasamtangang administrasyon.

Apan subo lang nga usahay tungod sa politika malimtanon na ang tawo karon, ug matag administrasyong adunay kaugalingong gustong maoy matuman.

Kinahanglan lang gyud nga dunay buhaton si Duterte aron mas paspasan pa ang pagkompleto sa pipila sa iyang flagship programs ug madungan sa nasugdan na sa nakalabay nga administrasyon.

Dili kinahanglang mahuman kining proyekto ni Duterte sud sa iyang termino tungod kay imposible kung walay pundong ibubo, sama sa mga proyekto ni Aquino malangan gihapon ang uban niini, apan ang importante dunay makitang agi ang katawhan.

DUTERTE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with