Marriage and family
JAV, BANATI! - Javier Tapulado (Banat) - November 10, 2019 - 12:00am

Ang kinalig-onang pundasyon sa kaminyoon mao ang gugma. Ngano? Tungod kay mao kini ang sugo sa Ginoo.

May higayon nga mobulag ang anak lalaki sa ginikanan aron siya ug iyang kaparis hiusahon atubangan sa altar sa kaminyoon, diin matag usa mosaad sa Ginoo, nga for better and for worse, till death do us part.

Nga sa ato pa, andam sila mopas-an niining krus nga gisangon sa Diyos kanila. Kay moabot gyod baya ang panahon nga yugyogon gyod sa mga pagsulay sa kinabuhi ang pagpuyo sa magtiayon aron sukdon unsa kalig-on ang puting pisi nga mibugkos sa duha ka kasingkasing nga gihimong usa before the Sacrament of Matrimony.

Timan-i. Kutob sa gihiusa sa Diyos, walay si bisan kinsa nga makabulag niini. Kon magbulag ang magtiayon, kini usa ka dakong sala. Kay kini nagpaila lang nga ang pundasyon sa gugma nga ilang gipresentar didto sa altar sa kaminyoon, fake. Ila ra diayng gibakakan ang Ginoo, kinsa ilang gisaaran,  nga sa kalipay ug kalisod, sila mag-inunongay hangtod sa kamatayon.

Ang matuod nga gugma dili molubad. Kini adunay tulo ka hiyas: kamatinud-anon, pagsalig ug respeto. Kon usa niini mawala, ang tibuok gugma mawala sab.

Busa, importante sa manag-uyab nga honest gyod sa matag usa sa dili pa mosulod sa kaminyoon. No matter how truth hurts, tell the truth. Tungod kay truth is a big part of love. Nungkang anha na ipagawas ang tinagoang kinaiya human hiusaha sa kaminyoon. Dako kaayo kining sayop!

Remember. Full beauty of marriage could only be experienced if both spouses are honest. Kay honesty is love. Ug kon ang tawo honest, maka-gain siyag trust. And once there’s trust, respect follows.

Pagkaanindot sa pamilya nga ang mga anak giumol sa magtiayon pinaagi sa matuod nga gugma. Segurado gayod nga sila magtubo nga mahigugmaon usab: sa Ginoo, sa ilang kaugalingon ug sa ilang isigkaingon.

Ang pundasyon sa komunidad nagsugod sa gitukorang pundasiyon sa pamilya.

Kon ang gigamit nga pundasiyon sa tagsatagsa ka pamilya mao ang gugma sa Ginoo, ang komunidad makaangkon usab og katawhan nga puno sa gugma nga Iyaha sa Diyos.

Ug dili unta maghari sa nasod ang kagubot ug kaguliyang nga atong nasinati karon.

MARRIAGE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with