EDITORYAL - Leksyon sa mga vendors
(Banat) - November 9, 2019 - 12:00am

Saludo para sa Mayor sa City of Carcar nga si Mercedita Apura sa paspas nga aksyon batok sa mga gireklamong lechon vendors diha sa Carcar Public Market pinaagi sa pagpasira sa upat ka mga lechon stalls.

Nakita nga ang upat ka stalls daghan og nahimong kalapasan ug may posibilidad pang usa sila sa mga gireklamo. Nasayran sab nga wala silay business permits ug sanitary permits maong gipasirad-an sa mayor.

Apil sa mga reklamo sa mga netizens nga ni-post sa social media , daan ug baho na nga lechon, kuwang sa timbang, dunay reklamo nga maninghag ug manghagad pa og sukmagay ang tagiya kun di dayunon pagpalit kay ila nang naputos.

Maayo nalang gyud hinuon nga way pormal customer nga mipasaka og kasong kriminal batok sa ilang mga binuang, kay sigurong mas dako kadto nga problema aning mga vendors.

Tungod  lang sa mga reklamo nga gi-post diha sa social media paigo na kadto aron mag-alindasay ang mayor maong ilang gilili ang mga permits sa maong mga tindahan.

Didto nasakpan hinuon nga wala diay silay mga legal nga dokumento aron makapaninda sa maong merkado.

Anugon lang kay duna nay napagan sa mga binuang sa mga vendors ayha pa sila nangasakpang wala diay mga permits.

Tingali dili kini sila mahitabo kun giinspeksyon kanunay sa mga lokal nga otoridad ang ilang mga papeles. Hinuon bisan og uwahi na , maayo gihapon kini nga lakang ang gihimo sa mayor, kay kun dili kini niya buhaton tingali mas daghan pang nabiktima kining maong mga vendors.

Kadtong mga wala masirad-i kay kompleto og permits, wala magpasabot nga nakalingkawas na sila sa bati nga imaheng gibunga sa mga reklamo sa mga mamalitay.  Mas pait para sa mga vendors diha sa maong merkado nga nagtinarong kay pagkakaron napagan sila.

Leksyon kini sa tanang mga vendors, dili lang sa mga lechonero apan apil na ang tanan nga naninda og bisan unsa kay kun karon nakalusot pa mo, basin ugmang adlawa kamo na say mabida diha sa social media ug magkaproblema unya tungod sa katikasan.

VENDORS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with