Holloways
MGA LAMAS SA KINABUHI - Fr. Rey Cui (Banat) - November 8, 2019 - 12:00am

Kadalanan kini sa karaang panahon nga nadaan na lamang sa pagligid sa daghang mga katuigan. Binuhat kini sa tawo nga nagpabilin gihapon ning mga panahona ug nahimong agianan gihapon sa katawhan. Hinuon, daghan ang wala masayud nga sa ilang pag-agi niini ilang gisubay ang dalan sa kakaraanan. Gikan sa pulong Hollo Weg nga nagpasabot og agianan.

Ang maong paghulagway nipahinumdom kanato nga sa kinabuhi natong mga tawo nahimong kabahin gyud niini ang panaw.

Ang panaw nga nakatabang aron mas mailhan nato ang atong kaugalingong pagkatawo. Usa sa mga grasya nga akong nadawat mao man ang pagka destino sa mga parokya nga dunay mga lakwonon. Sa Sogod ko kaniadto halos nataak ko na ang tanang kabukiran didto.

Dinhi sa Madridejos Alegria nataak ko na usab ang mga dapit nga mamingaw. Way laing mahimo gawas sa pagpahulagway agig panghambog nga bisan sa lawasnong kahuyang kay lagi gors na ta, ako nakapanaw gihapon ning mga dapita. Ang mga likes ug positive comments paigo na.

Apan sa laing bahin, dunay mas mas mahinungdanon pa kaysa pisikal nga pagpasingot ug kini ang kahigayonan nga makapamalandong ug makapalihok sa imahinasyon sa matag tawo.

Sa akong bahin, kuyog sa akong mga lakang mao man ang orasyon mental kun pag-ampo diha sa akong hunahuna. Daghan ko og gihunahuna ug daghan kong buot sabton. Daghan kong mga pangutana nga buot kab-oton. Ang kinabuhi gyud diay puno sa mga milagrosong  panghitabo.

 Apan ang akong hunahuna nakadungog sa kamandoan nga nagkanayon: “Linog Stop!” Imagination Stop! Ambot lang kaha kun angayang ba ning paminawon.

Hinuon ang gihimo nga pagpangangkon sa maong tawo kabahin pud sa iyang panaw padulong sa ilusyon nga siya mao ang dinihogang anak sa Dios. Ang maong pagpangangkon inubanan sa dakong pagsalig sa kaugalingon maoy nakapahimo niyang malampuson diha sa pagkutaw sa kutaw nang daan nga hunahuna sa mga tawong nagkinahanglan og alibyo gikan sa sakit nga kasinatian sa kinabuhi.

Ang pagtuo sa kaugalingon nga gamhanan mao man ang pagkagiw sa pait nga reyalidad ug daghan nato ang nagtuo nga tinuod  ang tanan sa atong hunahuna.

Ang holloways nipabalik kanato sa karaan nga ang kinabuhi nila kaniadto bisan pa man kun dili moderno segun sa atong panlantaw karon apan alang kanila hingpit ug maayo kay ang maong panaw nila kaniadto mao man ang naghimo kanato kun kinsa man kita karon.

HOLLOWAYS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with