Adios, Msgr. Eser binghay
JAV BANATI - Javier Yntig Tapulado (Banat) - November 8, 2019 - 12:00am

“No one in this world is exempted. We all die. Thus, what is important is, preparation for the next life to come which is forever.” Pipila lamang kini ka linya nga akong nakat-onan, isip bunga sa pagpamati ko sa mga undanong wali ni Msgr. Esteban ‘Eser’ Sanchez Binghay, PA, JCD.

Midugang pa siya: “All of us are sinners. We, priests, like you, are also human, composed of body and soul. We, too, could commit sin. So please, don’t follow what we did. But follow what we say.”  Pagkanindot paminawon! Modulot-tidlom sa kahiladman.

Wala pay ala 1:00 sa hapon sa miaging Lunes, Nobiyembre 4, nagbansiwag na sa Facebook ang pahibalo nga alas 12:00 pasado sa udto, patay na kuno si Msgr. Binghay sulod sa Perpetual Succor Hospital.

Nahapilit akong panan-aw sa maong balita. Sa miaging Nobiymbre 2 god, sa 7:00pm namong Parish Pastoral Council meeting, nasabotan namo nga usa si Msgr. Eser sa mga pari nga among imbitaron isip mass presider sa usa sa mga misa-nobena unya namo alang sa kapistahan ni Mama Mary sa Guadalupe Parish (Dec. 2-12, 2019).

Gani, gisulayan ni Fr. Suico pagkontak iyang numero. Pero walay motubag. Mao diay. Kay siya naa sa ospital.

Among helper, pagkahibalo nga patay na si Msgr. Eser, naguol ug puwerting pugong sa iyang mga mata nga dili manglugmaw. Kay matud niya, idol kuno niya si Nyor.

Dumdumon gyud niya ang 6:00 sa hapon nga misa ni Msgr. Binghay didto sa Sto. Rosario. Kay dili gyud siya dukaon sa mga wali niini nga puno sa pakatawa apan bus-ok sa mga matulon-anong bunga.

Busa, mapuno gyod ang simbahan kon si Msgr. Eser ang momisa.

Kini nagmatuod lang, nga gikan sa gamay ngadto sa kinadak-ang hut-ong sa katilingban, gitandog sa mga pulong sa Diyos nga gitanom ni Msgr. Binghay sa matag kasingkasing.

Ug bisag mawala na siya ning kalibotan, madugta man tuod iyang lawas, apan ang iyang kaligdong ug kabuotan magpabiling buhi sa atong panumdoman.

Nyor, ning imong pagtaliwan, mobaha ang mga luha. Gawas sa mga kandila, bulak ug pag-ampo nga among ipabalon kanimo, tugoti ang nagtibi namong mga ngabil sa paglitok: “Adios, Msgr. Eser, among minahal.”

MSGR. ESER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with