Financial assistance

So, ang financial assistance alang kanatong mga senior citizens ipanghatag karong Domingo December 1. Kini ang gipahibawo ni Jeff Ocampo, Executive Director sa Office of the Senior Citizens Affairs, Office of the Mayor.

Sa ato pa, balig duha ka buwan ang atong madawat. Diha man unta ‘toy mga plano lainon ang pagpanghatag sa November ug  December. Apan, nausab ang hunahuna tungod kay ang ginagmayng kantidad, dili makaabot sa Pasko. 

Matud ni Jeffrey, with your P2,000, at least makapaalegre kita pagsaulog sa Pasko. Kana kun dili magpatuyang og gasto ang atong mga apo, binlan na lang ta’g gamay.

Nia pay maayong balita gikan ni Jeffrey.  Aduna na unya kitay kaugalingong nga brand new, air-conditioned, 50-seater van. I hope ma-exclusive gyud ni nga sa OSCA ug kanatong mga senior citizens.  

Sa mga laraw nga kahatagan ang mga senior citizens paglulinghayaw, ang maong van unang magamit sa ato unyang paglulinghayaw ngadto sa Oslob aron makasaksi usab kita Butanding, kon whale watching.

Samtang liboan nang mga langyaw ang ni-enjoy niining maong talan-awon, majority natong mga senior citizens, lakip na ko ang wala pa makasaksi sa Botanding. Ug matud ni Jeffrey molahos kita Sumilom, to behold the beauty of the unperturbed beaches.

By the way, ngalan niing maong proyekt o tulomanon sa OSCA:  ‘LULINGHAYAW:  EXPOSURE to  GREATNESS and to the still BEAUTY OF NATURE.”

Atong isuroy-suroy ang mga senior citizens sa dakbayan ug atong i-exposed ngadto sa mga dagkung kalamboan sa Sugbo.

Tapus sa Butanding ug Sumilon, dili kaha sila ma-amused further kon makasulod sila sa Ocean Park nga naa ra sa SRP? Or perhaps , di kaha sila malipay kon ato silang lingawon pagsud-ong sa mga daku ug modernong beaches sa Mactan? Di lang nato sila pakaliguon kay tingalig panahuton.

Ang Sugbo daghan nang mga dagkung establishment, mga hotel ug condo, mga planta ug parbrika – atong i-exposed ang atong mga senior citizens niini, aron tapus sa paglulinghayaw ilang makita ug mahanduraw  how great Cebu is.

So, dili ni purely suroy-suroy ug lingaw-lingaw. Sama sa mga estudyante pa kita, maisip usab kini nga educational tour alang sa mga senior citizen. 

Matud ni  Jeffrey, aduna nay pipila ka balay-patigayon ang mi-expressed na sa ilang tinguha pag-support ning maong tulomanon.

* * *

Diay daan nakong clippings bahin kini sa smuggling sa atong nasud. Sayud man ta ang Smuggling is as old as the city’s senior citizens. Hinumdom ko sa mga bata pa mi, high school pa ko, diha na may smuggling. Hinuon, itandi karon, by hundreds o by thousands pa man to.  

Karon, by billions na man. Nagpasabot nga gawas nga waa gyud ni masanta, ni-grabe hinuon.

Ug kining clippings nga atong gitamdan dinhi, samtang naghulagway pagkundhod sa kaso smuggling, kini sa mga tuig 204-2013. Sa ato pa dugaydugay na to. Lahi na ang picture karon, ilabina na nga nilakip na sa smuggling ang mga drug lords.

Gihulagway usab dinhi ang alkanse kon revenue losses gumikan sa smuggling. Sa 2004, ang alkanse nikabat og  balig P26.6 billions; sa 2008  - P112.2 –B; ug sa 2013, ang venue loses due to smuggling, nikabat og P231.1 –B.

Pila na kaha ni karon no?