Lansis
AMBOT LANG - Gerry Auxilio (Banat) - November 7, 2019 - 12:00am

Pormal nang gitudlo ni Presidente Rodrigo Roa Duterte si Bise Presidente Maria Leonor Gerona Robredo isip kaabag (co-chairperson) sa Inter-Agency Committee on Anti-Illegal Drugs. Ang pagtudlo sa Presidente sa Bise Presidente gipitsahan og Oktobre 31, 2019 ug molongtad hangtod sa kataposang adlaw sa ilang termino unya sa udtong totok sa Hunyo 30, 2022.

Gitinuod gayod ni Presidente Duterte ang iyang bahad nga himuong sakop sa iyang gabinite ug ibutang sa ahensiya nga nanguna sa kampanya batok sa gidili nga drugas ang mga nagsige og panaway mahitungod niini.

Ang bise presidente ang usa sa mga nag una sa nanaway ni Presidente Duterte tungod sa kapakyas niini sa iyang kampanya batok sa gidili nga drugas. 

Kagahapon gipagawas ni Robredo ang iyang gikasulti sa iyang pagkatudlo nga kaabag sa komitiba nga naglutos sa gidili nga drugas apan wala na nako kini mapaabot tungod kay deadline na sa pagsumitir ning akong lindog.

Apan dawaton man o dili sa bise presidente ang pagtudlo kaniya nga kaabag sa anti-illegal drugs nga komitiba, para kanako lansis kini ni Duterte ngadto kang Leni Robredo ug nasayod na kamo sa rason.

Seguro niining panahona nakahinuklog na ang presidente ug nakaamgo na nga dili mahimong sulbaron ang suliran sa gidili nga drugas sa usa lamang ka pagpamilok.

Wala pa seguro kamo makalimot nga gisaad ni Duterte ang pagsulbad sa suliran sa gidili nga drugas ug korapsyon sulod lamang sa duha ka buwan apan tungatunga na sa iyang termino misamot hinuon ka daghan ang nasakmit nga gidili nga drugas.

Ang katawhan wala na maproblema sa pagka-agresibo sa gobyerno sa pagsumpo sa suliran sa gidili nga drugas tungod kay agresibo na kaayo niini ang gobyerno ni Duterte.

Ang problema karon sa presidente mao na lang ang mga tawo nga mopatuman sa iyang mando sa pagsulbad sa suliran.   

LANSIS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with