Mga ulo miligid
SAKSAK SINAGOL - Lucky Malicay (Banat) - November 6, 2019 - 12:00am

Gilunod na ngadto sa iyang katapusang pahulayan ang giluthang nga si Clarin, Misamis Occidental Mayor David Navarro apan wala pay matumbok ang nga inbestigador kun kinsa gayud ang iyang mamumuno niadtong niaging bulan.

Wala pay kisaw ang National Bureau of Investigation kabahin sa update sa ilang inbestigasyon mahitungod sa pagpatay kang Navarro, kinsa padulong sa Cebu City Prosecutor’s Office sa dihang gihulbot gikan sa iyang sakyanan ug gibirahan sa wala hiilhing mga armadong tawo.

Hinuon, adunay mga dagkong casualty ang pagkamatay sa kontrobersiyal nga mayor sa Mindanao. Kini mao mismo ang hepe sa Cebu City Police Office (CCPO) nga si Colonel Gemma Vinluan ug ang pangulo sa Abellana Police Station.

Unang girelibohan si Vinluan tungod sa command responsibility. Kini gumikan usab sa ka palpak  sa iyang mga sakop pag-react atol sa pagbabag sa sakyanan sa mga armadong tawo sa patrol car nga gisakyanan ni Navarro.

Ikaduhang ulo nga miligid mao ang kang Police Major Eduard Sanchez, ang hepe sa Abellana Police Station.

Naigo sa relibo si Sanchez tungod kay iya mang mga tawo ang nag-escort kang Navarro sa dihang giake ang maong mayor sa mga armadong tawo.

Insakto lamang ang desisyon sa kadagkoan sa Police Regional Office sa Central Visayas pagrelibo kang Vinluan ug Sanchez.

Anaa kang Vinluan ug Sanchez ang dakong responsibilidad pagbantay kang Navarro human ang mayor gipasakaan og complaint tungod sa giingong harassment sulod sa usa ka spa. Samtang naglutaw na ang status sa maong duha ka opisyal sa pulis, kamulo usab ang pakisusi sa mga inbestigador sa NBI sa sirkumstansiya nga naglikos sa pagluthang kang Sanchez, kinsa naapil sa lista ni Presidente Duterte sa mga local official nga nalambigit kuno sa ilegal nga druga.

Kun mapamatud-an nga aduna gyuy lapso ang kapolisan sa ilang pag-escort ni Navarro ngadto sa opisina sa prosecutor, makapaabot gayud sila’g silot gumikan sa ilang ka palpak pagprotehir sa napatay nga mayor.

MILIGID
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with