Gipasakaan og kasong unjust vexation
Dear Atty. Divine,
Ang akong bana gipasakaan of kasong Unjust Vexation sa among silingan. Dugay naman gud ni sila nga nagbikil. Unya nakuhaan og video ang akong bana nga iyang gibugal-bugalan ang among silingan ug iya kining gisamok-samok ug mao ni gigamit nga ebidensya batok sa akong bana. Ang akong pangutana kon unsa may silot kun makombikto ang akong bana sa iyang kaso? Daghang salamat. —Leona
Dear Leona,
Ang Unjust Vexation nga kaso ubos sa Article 287 sa Revised Penal Code aduna lay silot nga Arresto Menor kon pagkabilanggo sud sa usa ka adlaw ngadto sa 30 ka adlaw or a fine ranging from 5 pesos to 200 pesos or both, depende sa desisyon sa korte. Apan pwede sab nga community service lang ang ipahamtang nga silot kay basi usab sa Republic Act 11362, usa kini ka balaod nga naghatag og katungod sa korte sa pagpahamtang og community service inay pagkabilanggo kun ang silot Arresto menor o Arrestor Mayor lang. Buot ipasabot nga dili bug-at ang kaso sa Unjust Vexation apan kun pwede pa aregluhon ang maong kaso mas maayo kay usa man gud kini ka criminal offense ug kun makombikto siya niini mahulog nga duna na siya’y criminal record og hayan mo appear kini sa iyang NBI clearance og hayan masangit siya ilabi na kon mo apply siya og trabaho abroad. Thanks and God bless. —Atty. Divine
* * *
Alang sa inyong pangutana, ipadala lang sa Legal Corner sa Banat News or email sa flores_divina@ yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest