Langyaw dili mahimong maoy mo-manage sa recruitment agency
Dear Atty. Divine,
Duna koy higala nga usa ka foreigner ug nagplano siya nga motukod og recruitment agency alang sa mga Filipino nga motrabaho abroad. Plano niya nga iya kong i-hire as her staff apan siya ang direkta nga mo manage sa iyang recruitment agency. Ang akong pangutana kun wa bay mga restrictions sa mga foreigner nga momanage og recruitment agency? Unsay mga gikinahanglan kon magtukod og recruitment agency? Daghang salamat.
Lennie
* * *
Dear Lennie,
Basi sa Revised Philippine Overseas Employment Administration Rules, hingpit nga gidid-an ang usa ka langyaw sa pag-manage directly or indirectly sa usa ka recruitment agency ug tungod kay seryuso kini nga kalapasan mamahimo kining kabasihan sa pag-cancel sa lisensya sa recruitment agency basi sa Section 143 (I) (K), Rule III, Part VI of the Revised Philippine Overseas Employment Administration Rules and Regulations Governing the Recruitment and Placement of Land Based Overseas Filipino Workers of 2016.
Buot ipasabot nga ang imong amiga nga langyaw dili gyud mahimo nga maoy mo manage sa recruitment agency or else matangtangan og lisensya niini. Adunay daghang requirement and pagtukod og recruitment agency og usa niini mao ang pagkuha og license from POEA og duna sab ni gi-require nga capital ug bond. Mas maayo nga mangayo mo sa list of requirements sa POEA. Thanks and God bless.
Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa f[email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
