Mahimong mahiusa ang mga Senior Citizen sa dakbayan

Gumikan sa politika ug ubang hinungdan, sama sa pride ug greed, kitang mga Pinoy lisud usahon. Gani bisan sulod sa atong mga panimalay ug kabanayan, mahitabo gayud ang panagbingkil ug dili pagsinabtanay.

Mao kini ang labing daku nga hinungdan ngano nag naglisud ang atong nasud pag-uswag ngadto sa unahan. Unsaon man tuod pag-uswag sa bisan unsa nga nasud kon dili magkahiusa ang katawhan.

Nationally ug locally, atong namatikdan nga tapus sa bugnong lugaynon, magpadayon ang atong panagsungi  ug pagpinahitay, kini gumikan sa politika, diin ma-sidelined ug mapadaplin ang intereses sa kinabag-an. 

Apan, lisud ba gyud usahon kitang mga Pinoy? Sa balaud, kining atong mga barangay, apolitical unta. Sa ato pa, non-partisan, non-political. Wala unta kini silay brand sa politika. Apan, unsay nahitabo? Ang atong mga kapitan sa barangay ug ubang kadagkuan sa barangay, lakip na gani ang SK, na-politicized na.  Unsaon man nato pag-usa kun ang atong kadagkuan sa mga barangay nagsandig sa mga partido sa politika, as if they themselves belong to the party.

Lakip na gani ang mga pundok sa senior citizens sa mga barangay, it seems nga na-associated wth the political party of their barangay captain.

Maoy hinungdan nga sa pipila ka barangay, inay nga magkahiusa ug magtinabangay, adunay duha, tulo o upat ka senior citizen associations, separate and distinct from each other. Pinoy gyud kaayo.

Apan, imposible ma gyud hiusahan kitang mga Pinoy? Gipanghimakak kini sa mga senior citizens sa Mabolo. Ilang namatud-an nga ang duha nila ka nagsungi nga pundok, mahimong hiusahon pinaagi sa pagsalkway sa politika aron mopatigbabaw ang intereses sa katawhan.

Karong bag-o, si Vice Mayor Michael Rama mipapanumpa  sa nagkahiusang opisyales sa mga senior citizens sa Barangay Mabolo ning dakbayan, sinalikway ang politika.

Ang mga nanumpa sila si: Protacio Lozano, president; Manuel Canonigo, Vice President; Celedonia Paras, Secretary; Salud Mabatid, Treasurer; Laila Menina, Auditor; Marina Varro, Joaquin Codina, Evacio Arcilla, PROs; Evacio ug Neon Arcilla, Sgt. at Arms. Napili nga Muse si Alicia Judilla, ug Prince si Rudy Romares. So, mahimo diay nga magkahiusa ang mga senior citizens sa atong dakbayan. Meaning, inay nga mag-iyahay ang mga senior citizens, inay nga magtukod og duha o tulo ka buwag nga pundok,  mag-usa na lang, magtinbangay.

Sa tinguha paghiusa sa mga senior citizen sa atong dakbayan, unang lakang mao ang pag-usa sa mga pundok sa pipila ka barangay. Sa ato pa, usa na lang ka senior citizen association sa matag barangay.

Meaning, sa 80 ka barangay, aduna lang untay 80 ka senior citizen association sa tibuok dakbayan.  Dili sama karon nga adunay mga 110 ka senior citizen association sa siyudad.  

Niining precedent nga gihimo sa Mabolo, aduna gihapoy kahigayonan nga atong mapahiusa ang ang mga senior citizen sa dakbayan. Nga dili nila iduhig sa politika ang ilang mga pundok.  Sama sa AARP kon American Association of Retired Persons, ang ilang kahugpongan nga karon aduna nay banabana nga kapin sa 40 milyones ka sakop, usa ka non-profit, non-partisan, ug purely a non-government organization. Hinaut nga mao kini ang mahitabo sa atong kahupongan sa mga senior citizen dinhi sa atong dakbayan.