Hulagway
LINTUNGANAY - Fred Languido (Banat) - October 24, 2019 - 12:00am

Bilib ko sa kaabtik sa kapolisan, tulo ka oras lang human sa nahitabong pagpanulis sulod sa J Centre Mall diha sa dakbayan sa Mandaue, nasulbad nila ang kaso ug nadakpan ang lima sa gibanabanang 12 ngadto sa 15 ka mga tulisan. Upat sab sa mga tulisan nga giingong sakop sa grupo gikan sa Ozamiz ang ilang napatay.

Ang pagtinabangay sa pwersa sa kapolisan dinhi sa rehiyon ug sa Philippine Coast Guard dako og natampo sa dinalian nga kasulbaran sa kaso. Bisan duna pay nahibilin nga wala madakpi ug ang dakong bahin sa gibanabanang P136 milyones nga kantidad sa mga alahas ug kwarta wala pa makit-i, apan dako na nga kalampusan sa mga awtoridad nga napugngan ang kadaghanan sa mga membro sa grupo nga makasibat.

Apan luyo sa maong kalampusan daghan sab nga angayang ipasabot ang kapolisan sa nahitabo. Usa niini mao ang pangangkon sa mga polis nga nangilog og armas ang tulo sa upat ka mga tulisan nga napatay. Lisud nga tuohan ang maong pangangkon tungod kay dunay mga hulagway gikan sa Philippine Coast Guard nga nagpakita nga pinosasan ang mga tulisan.

Sigun sa mga polis nga nisuway pagpangilog sa ilang armas ang tulo samtang ila ni nga gidala paingon sa Bogo City Police Station gikan sa pantalan sa Polambato diin sila didto nadakpan samtang mosibat na unta luwan sa barko paingon sa Cataingan, Masbate.

Makalusot ra unta ang pangangkon sa kapolisan nga mao ni ang tinuod nga nahitabo kun wala pa ang mga hulagway nga gipakita sa Coast Guard atol sa pagdakop sa mga suspetsado didto sa pantalan.

Ang mga hulagway nagpakita nga gibinaklid ang mga suspetsado pagposas.

Karon ang dakong pangutana posibli ba nga ang usa ka tawo nga gibinaklid makapangilog pa og pusil? Kini maoy angayang tubagon sa kapolisan luyo sa mga pagduda nga gituyo sila pagpatay. Anugon ang kahago sa kapolisan nga namantsahan og kontrobersiya. Ang Commission on Human Rights mihimo na og pakisusi niini.

Ang nahitabong pagpanulis sulod sa J Centre Mall hinaot nakapukaw sa mga awtoridad ug sa mga tagdumala og dagkong bay patigayon nga di angayang mokumpiyansa labi nga nagsing-abot ang Pasko. Basi sa kasinatian mosiaw ang krimin sa mga panahon nga mag-angat ang pasko ug bag-ong tuig.

PHILIPPINE COAST GUARD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with