Dugang ug kuha
AMBOT LANG - Gerry Auxilio (Banat) - October 22, 2019 - 12:00am

Sigun sa atong nasayran sa kasaysayan ang nasud nga Pilipinas adunay 1,107 ka mga isla apan pila ka tuig ang nakalabay nakuhaan kini tungod kay ang isla sa Kawit gisumpay man sa mainland nga isla sa Sugbo dihang giugmad ang South Reclamation Area nga naila na karon nga South Road Properties diin nagbarog na ang mga dagkong negosyo.

Gawas sa pagkalakip na sa isla sa Kawit sa mainland nga isla sa Sugbo giilog usab sa China ang ubang dagkong isla sa nasud nga nakapaaghat gani sa gobyerno ni kanhi Presidente Noynoy Aquino sa pagpasaka og kaso ngadto sa International Tribunal nga mipakanaug og hukom pabor sa Pilipinas, pero subo lang nga palandungon tungod kay nagpabilin lamang papel ang naangkon nga kadaugan sa Pilipinas batok sa China.

Karon murag malipay ta tungod kay sigun sa balita gikonpirmar sa National Mapping and Resource Information Authority (NAMRIA) nga migamit sa Interferometric Synthetic Aperture Radar (IFSAR) nagpakita nga adunay 534 ka mga bag-ong isla nga naporma sa nasud sa Pilipinas.

Ang NAMRIA opisina kini nga ubos sa Department of Environment and Natural Resources (DENR) ug maoy opisyal nga tighimo og mapa sa Pilipinas.

Tungod sa 534 ka mga bagong isla nga nadiskobrihan ang Philippine Geomatics Symposium (PhilGEOS) mopahigayon og pagtuki sunod buwan sa midaghan nga isla sa Pilipinas gikan sa 7,107 ngadto sa 7,641.

Ang wala nako masayri pila niini ang milutaw nga isla ug ang anaa lang sa ilawom sa dagat.

Wala pud mohatag og kasayoran ang NAMRIA kun may nagpuyo na ba niining maong mga bagong isla kay kun ugaling wala pa, akong isugyot sa gobyerno nga kadtong walay mga yuta adto papoy-a niining mga islaha.

Ang problema lang kun ang bag-ong isla nga nadiskobrihan giangkon na pud sa China. Pagka dakong pastilan.

DUGANG UG KUHA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with