EDITORYAL - Kaligdong batok seniority
(Banat) - October 17, 2019 - 12:00am

Panghupaw ug kahingawa nalang maoy gibati sa mga yanong Pilipino niining mga nahitabo karon sa Philippine National Police ug sa kamatinud-anon nila sa pagtuman sa mando sa pangulo nga gubat kontra illegal nga drugas.

Sa unang tuig gikan sa paglingkod ni Pres. Duterte gisugdan dayon ang gipangusgang war on drugs nga niresulta sab sa pagkamatay sa mga drug suspects apil sab ang pipila ka mga polis nga nalambigit niini.

Ang maong duguong kampanya nagbutang kang Duterte sa mga mata sa kalibotan.

Dunay nisaway kaniya ug duna say nidayeg sa iyang walay kahadlok nga kampanya batok sa illegal nga drugas nga posibleng gikasuya sab sa ubang mga lider nga unta ilaha sab kini mabuhat sa ilang mga nasud.

Ang kampanya gitahas sa tanang law enforcement units sa nasud, apan sa tanang units, ang PNP maoy labing dako tungod sa kadaghan sa mga sakop niini apan diha sab gikan sa maong organisasyon ang daghang mga narco-cops ug kining mga “ninja cops.”

Ning bag-o, ang pangulo sa PNP nga si Director General Oscar Albayalde naahat pagkanaug tungod aning kontrobersiya sa mga “ninja cops.”

Si Albayalde gipasanginlang nidupa sa 13 ka mga kanhi niya mga sakop nga gipasanginlang “ninja cops” samtang siya pa maoy police provincial director sa Pampanga niadtong tuig 2013.

Tungod sa maong kontrobersiya sayu-sayong niretiro si Albayalde imbes karon pa untang sunod bulan.

Lisud gyud puhagon ug buntogon ang illegal nga drugas kun diha palang mismo sud sa Philippine National Police adunay mga nalambigit niini ug naghupot sab og tag-as nga posisyon.

Mao ni ang lisud dinhi sa Pilipinas, ang pagpili og mangulo sa mga dagkong ahensya sa gobiyerno sama nalang sa PNP, mag-agad sa kun kinsay gusto sa presidente kay duol sa luwag o kaila.

Maayong usbon kining sistemaha, dili tungod sa seniority lang kondili ang kalimpyo gyud unta sa ilang track record maoy himuong basehanan.

SENIORITY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with