Ang gakus sa paghigguma

Matud pa nga dunay mga tawo ang ilang trabaho mao man ang paggakos lang gyud sa ilang isig kaingon. Kini aron tabang kanila nga puno kaayo sa stressful nga kinabuhi gumikan kaha sa ilang trabaho o dili ba kanila nga nakasinati sa depresyon.

Ang gakus mahinungdanon. Kay alang nato anaa ang sense of belongingness ug kuyog niini ang dakong posibilidad nga mamahimong maalim ug mahupay ang bisan unsang gihambing balatiang emosyonal at least ang gakus nahimong first aid kanilang nataligam-an sa palad.

Matud pa sa mga eksperto nga ang mga bata nga nabuhong sa gakus sa ilang mga ginikanan ug mga kapuso ug kapamilya ang magpuyo sa kinabuhing normal ug puno sa gugma. Samtang ang mga bata nga gihikawan sa gakus ang nahimong mga tawong dili sensitibo sa pagbati ug kun duna man gani ang pagbati anaa ang kayugot ug kaligutgot.

Hinuon daghan ang nahimong mabinantayon kun kining butanga na ang hisgutan. Nahinumdom ko nga anaa sa protocol nga bisan ang pari dili na mahimong mohikap ni bisan kinsa. Nga sa ato pa, ang paghikap ug paggakos dakong gidili. Tungod ba kaha sa mga abusong sekswal diin nalambigit ang simbahan. Nagpasabot lamang kini nga bisan gani sa hawanang sagrado daghan gihapon ang nahimong samaran kun maghisgot kita og emosyonal nga panginahanglan.

Sa akong bahin, di ko moangkon nga ako hingpit nga tawo apan ang paggakus sa imong isigkaingon dili lang sa pisikal nga aspeto kondili usab sa mga paagi nga simbolikanhon diin imong gihangop ang imong isigkaingon segun sa ilang pagkatawo ug dili lang sa ilang bayhon dako naman nga pagpakita sa imong tinguha nga malambigit sa ilang kinabuhi.