Transport cooperatives

Sa panakayan sa kadalanan, subay sa PUJ modernization program sa Duterte administration, giikag sa atong kagamhanan ang pagtukod og mga kooperatiba sa tuyo nga ang mga gagmay’ng operator ug ang mga driver mismo dili ma-displaced ug dili kawad-an og panginabuhian.

Gumikan niini, ang mga nanag-iya’g sakyanan, ilabina sa mga PUJs naghugpong ug nagtinabangay, nihiusa sa ilang mga resources aron sa pagtukod og kooperatiba.

Suma pa, giawhag sa atong kagamhanan ang pagtukod og mga kooperatiba,  “as a means to attain more equitable distribution of income and wealth as well as to augment the income and purchasing power of the low-income sector of the population such as the vehicle owners/drivers, workers and small operators.

Maayo kining maong lakang sa kagamhanan, kay kon hingpit na nga ma-implementar ang PUJ modernization program, libohan ka mga driver ug gagmayng mga operator ang matud pa, makulban sa kaldero.

Actually, giingon dinhi nga ang kooperatiba is not a modern day invention. Sa ato pa, dili kini bag-o, kundili, “it is as old as mankind itself.”  Imposible kono kaayong hunahunaon nga ni-survive, nilungtad ang katawhan kon wala pa kita magtinabangay sa isig-usa.

Simple ra gyud kaayo ang kahulogan sa pulong kooperatiba. “ It is but a group of people working together in cooperation with each other for a common end.” Mao kini ang concept, ang lintunganay sa cooperativism. Ug mao na kini karon ang atong gibuhat.

Sa ato nang giingon sa unahan, ang cooperativism dili kini bag-o. Ug angay masayran nga dinhi sa atong nasud, ang unang mga kooperatiba gitukod ni Dr. Jose Rizal sa tuig 1896, samtang gi-exile siya didto sa Dapitan.

Sa 1898, si Emilio Jacinto, lain natong bayani, nitukod og mga kooperatiba didto sa San Pedro, Laguna. So,akong usbon,  ang kooperatiba, dili bag-o sa atong nasud.   

Usa sa dakung tumong sa kooperatiba mao ang pag-encourage” thrift and savings mobilization among the members.”  Kay usa ra ba sa kapakyas sa pipila ka kooperatiba dinhi sa atong nasud kay kitang mga Pinoy, matud pa: “are not prone to savings.”  Wala kita maanad, dili nato kinaiya ang pag-save. Ang paggasto maoy atong naandan. Maayo kaayo ta ini.

Usa sa nituyhakaw karon nga transport cooperative mao ang Cordova Lapu-Lapu Metro Cebu Transport Cooperative (CLMC Transco), diin karong bag-o nag-eleksyon sila, ug napili kining mosunod nga opisyales:

Jessie T. Tabanao, Chairman; Ronie Lelis, Vice Chairman; Judelyne T. Lange, Secretary; Maria Cecilia H. Go, Treasurer; Henry Fretz Co, Auditor.

Ang mga sakop sa Board of Directors, sila si Pacito C. Villasor, Renato C. Alburo, Reynaldo S. Villaruz, Solitario P. Yanco, ug Romina C. Rulida. 

Samtang ang mga sakop sa nagkalainlaing komite, gilangkoban nila ni Ronie Lelis, Reynaldo S.  Villaruz, Johnny U. Debalucos, Education & Training Committee; Lucia C. Navarro, Benjamin Arias, Jr., Ronald A. Tabanao, Audit Committee; Catalina Basanta, Aquillex Albiso, Feliciano Navarro, Mediation & Conciliation Committee; Romina C. Rulida, Lucia Navarro, Alejo L. Cruda, Gender & Development Committee; Ramil Guardiario, Roque C. Marquez, June Rey B. Rulida, Election Committee; Solitario P. Yanco, Antonio G. Yorpo, Jr., Clemente L. Cruda, Ethics Committee.

Ang  mga dagkong garage/terminal sa CLMC Transco atua mahimutang sa Cordova ug Consolacion.