Komedya ra ang kwalipikasyon
BALITAHOM - Atty. Jose Marie N. Poblete (Banat) - October 10, 2019 - 12:00am

Duha lamang ka mahinungdano’ng kwalipikasyon ang gipangita karon sa Malacañang ang alang sa mohulip sa hepe sa Philippine National Police: Honesty (Pagkamatinud-anon) ug Competence (Abilidaran). Mao ba kini ang kinaiya sa tulo ka gwatsinanggong unggoy nga DILI MAKAKITA SA DAUTAN, DILI MAKADUNGOG SA DAUTAN ug DILI MOSULTI’G DAUTAN? Nalimot ba kaha ang Palasyo nga ang Sistema nga nagdagan diha sa PNP maoy makapahimo sa mga polis nga bakakon ug bulay-og. Nagkomedya ra tingale ang Palasyo niining maong pamahayag. Isip-isip!

Simbolo lang unya sa ka-hugawan

Makalaum na kuno unya ang publiko og mas limpiyo nga kadalanan kon mapatuman na ang laraw sa Department of Public Services sa pagpamutang og usa ka libo ka mga dagko’ng garbage bins sa palibot sa dakbayan.  Pitolon una tingale ang atong ngil-ad nga batasan nga magpataka og labay sa atong basura bisan asa, kay kon dili, basin mahimong walay gamit ang mga basurahan. Mahimo na lang unya kining mga dayan-dayan daplin sa kadalanan o di ba kaha, mahimong simbolo sa atong ka-hugawan. Saoonz!

Sadsad na usab sa cha-cha

Milusad karon og bag-ong kampanya ang DILG alang sa pag-amendar sa atong Batakang Balaod diin ang mga kausaban motumbok sa gitawag nga “equality provisions” ubos sa bandila sa Constitutional Reforms (CORE).  Sa mga dili uyon sa Cha-cha kon Charter Change, dili nga angayan usbon ang Constitution; sa mga advocates sa Cha-cha, panahon na nga kini amendahon. Niining managsumpaki nga baruganan, daw gipakita sa duha ka habig ang “stepping” sa sayaw nga cha-cha, diin ang managpares mag-atras-abante agi og pag-establisar sa ilang luna nga gisayawan (gibarogan). Sadsad pa more!

Way alternatibo

Giduso karon sa usa ka pundok sa mga environmentalists ang kawsa sa pagdili paggamit sa plastic atol unya sa kasaulogan sa Sinulog 2020 sa tumong nga mamenosan ang pagdagsang sa mga plastic nga basura.  Dugay na nga giduso ang maong kawsa apan atong nakita nga wala’y igong kooperasyon kini nga nakuha gikan sa katawhan. Atong mabantayan nga basta kawsa gani nga nagdili pagbuhat sa naandan, apan walay tataw nga alternatibo nga iproponer, dili gayod motunhay. Hinaut masabtan sa mga hingtungdan!

KWALIPIKASYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with