Modernong Carbon public market
IYO ANTOY - Antolin dela Serna (Banat) - October 8, 2019 - 12:00am

Kanatong mangomprahay, dako kaayong tang uyon niining plano ni Mayor Edgar Labella nga modernohon merkado sa Carbon. Nganong mosupak man ta niini? Imagine, inigpangompra unya nato, mao ra kita’g nangompra sa mga mall. Di ka gusto ini? Di ka gusto nga malipyo na unya ang Carbon? Di ka gusto nga mahayahay na unya ang imong pagpangompra? Di ka gusto nga dili na usab ikaw hasulon sa trapiko? Di ka gusto nga ma-air-conditioned ang Carbon?

Maoy imong gusto nga magpabiling hugaw, baho, ug nagkayamokat nga arrangement sa mga baligya sa Carbon? Ang lapok? Kon madayon ni, this will be the best thing that will happen in Cebu. Alang nako, kinahanglan idayon gyud ni.

Apan, adunay dakung apan, kinahanglan nga ang plano sa SM Prime Holdings nga maoy motukod sa modenong carbon market ug sa pagpa-implementar niini, kinahanglan nga ma-advantageous ang dakbayan sa Sugbo, ug dili mawani ang mga market vendors.

Kay kon mapadaplin ang mga nanindahay sa Carbon, dili ni maayo. Dili na ni the best thing that will happen in Cebu City. The worse thing na ni. Hinuon, nipasalig man si Labella nga iyang paminawon ang mga market vendors, pinaagi sa usa ka public hearing, diin matud sa Mayor: “I will be very objective.” Sa ato pa, wala siyay labanan. Ug kinahanglan beneficial kini ngadto sa siyudad. Pagkakaron wala pa maka-submit sa ilang proposal ang SM Prime Holdings. Hinaut nga tapus unya sa public hearing y i-consders sa SM ang yangongo ug reklamo sa mga market vendors. Meaning, sa ila unyang blueprint klarohon gyud kon asa ibutang ang mga tindera, kay tingali unya kuno nga mapareha sa SM Marketmall sa Dasmariñas, Cavite nga ang mga market vendors gipadaplin ug dili makit-an dayon sa mga mamalitay.

Maoy atong panghinaut nga sa kanindot sa mga plano, una sa tanan, walay market vendor nga ma-displaced, ug labaw sa tanan, dili mabintahaan ang dakbayan. Lipay ang tanan.

* * *

Ang City Council miawhag sa city government pagtukod og mga evacuation centers, ug sa dili maghuwat nga adunay kalatalagman nga mahitabo.

Sa iyang resolution, si Konsehal Eugenio Gabuya, miawhag sa Local Disaster Risk Reduction Management Office (taasa ining ngana uy – ams) paglakip sa ilang 2020 budget pagtukod og duha ka evacuation centers (North ug South) nga kompleto sa mga kahimanan ug kagamitan sama sa limpyo nga pansayan, kaliguanan, labhanan, igong tubig, health facilities, ug separate nga mga “couple rooms” alang sa mga magtiayon.

Ambot kon possible ba kaha kini nga tukoron sa matag-barangay. Pagkakaron gud, kasagaran nga ma-dalidali nga himuong evacuation centers mao ang mga tunghaan ug mga sports complex nga walay igong kahimanan.

Dugang niini diha puy sugyot nga mangandam daan ang siyudad og mga relocation sites (di ni sayon) aron dili magkapuliki unya sa higayon nga dunay mga molupyo nga kinahanglan i-relocate.

Kusog ang pag-uswag sa atong dakbayan, ug dili kalikayan nga dunay mga demolition sa kabalayan nga kinahanglan buhaton.

Busa, gikinahanglan nga pangandaman kini sa atong dakbayan. Ilabina nga magpili usahay kining atong mga molupyp asa sila ibalhin. So, duha ni: evacuation centers ug relocation sites, diin tawo ang nalambigit, dili kahoy o mga sakyanan.

EDGAR LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with