_banat
^

Research

MGA LAMAS SA KINABUHI - Fr. Rey Cui (Banat) - September 30, 2019 - 12:00am

Kini ang angal sa daghang mga estudyante nga kuno ang ilang mga magtutudlo naghatag  kanila og daghan kaayong mga trabaho sa school mao nga ang uban kanila buot na lamang kutloon ang ilang kaugalingong kinabuhi gumikan sa maong kahimtang.

Sa laktod nga pagkasulti nahimong daw excuse ang bisan unsang research ingon man school work aron ang estudyante dili mahimong mopadayag sa iyang mga nakat-onan.

Unsaon man tuod pagkat-on kun ugaling dili siya maantigong moantos ug mosakripisyo? Dili ba malisud man kini? Kay ang kalibutan kun buot hunahunaon puno man sa mga panlimbasog ug pag-antos?

Unsaon man nimo pagpakig asdang sa tinuod nga  kinabuhi kun ugaling imong pagsabot sa panaw sa pagkat-on lunlon kahayahay lamang?

Nanumbalik sa akong panumdoman kaniadto nga nahimong malisud ug makutas ang kinabuhi sa seminaryo. Bisan man gani hangtud karon kutas lang gihapon labina kun imong tinud-on ang pagkat-on.

Kapoy kaayo ang pagbasa apan niadtong nagtudlo ko kinahanglang mobasa gyud ko ug magkat-on kay unsaon na lang intawon ang akong mga tinun-an kun ilang maestro seating pretty lang.

Ang tanan karong panahona puno sa gitawag natog instant. Sa maong instant nahikalimot kita sa bili sa proseso ug pagsakripisyo.

Sa nasud sa Hapon ang mga bata mismo maoy sugoon sa paglimpiyo sa ilang mga tunghaan aron pagpahigmata nga dinhi sa kalibutan dili diay lunlon hayahay ang tanan.

May miduol nako og nangutana kun mangandam ba ko sa akong wali. Ako siyang gitubag nga natural lamang. Mangandam gyud ko bisan pa man kun malisud kay kaangayan kini nga mohimo kita og pagpangandam agig tugbang sa sakripisyo nga gihimo sa mga tawo nga molakaw ug momata og sayo aron lamang makasimba. Unfair sa ilang bahin nga ang ilang padre kura gawas nga dugay momata magduka pa gyud panahon sa misa.

Mao nga ang research karon panahona bisan kun cut and paste sa uban kinahanglanon gihapon dili aron estudyante paantuson kondili aron mga bata ug kabatan-onan makakat-on.

RESEARCH
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with