Inantigong pagkalambigit
ANG DIOS MIINGON - Fr. Rey Cui (Banat) - September 22, 2019 - 12:00am

Septiyembre 22, 2019: Ikakawhaag-Lima

nga Domingo sulod sa tuig

Mga Pagbasa:  Am. 8;4-7/Sal. 113/1 Tim. 2;1-8/Lk. 16;1-13

Ang piniyalan human masayud sa iyang mahimong dangatan gumikan sa maong pagkaalinggat sa iyang agalon sa iyang kaboang ang nigamit gyud sa iyang sentido komon aron makalingkawas sa kaalautan. Imbis iyang kuhaon ang iyang komisyon iya naman kining gi-let go pinaagi sa pagkaltas niini gikan sa kinatibuk-ang presyo sa utang ngadto sa iyang agawon.

Ang nahitabo mao nga nakabaton siya og daghang higala pinaagi sa pagpagawas sa iyang kaugalingon nga manggihatagon kanila nga nangutang dili kaniya kondili sa iyang agalon sanglit siya piniyalan lamang. Ang iyang agalon nakadayeg kaniya dili tungod sa iyang pagkatikasan kondili sa iyang inantigong buhat.

Kaniadto ang dungog usa man ka bahandi mao nga sa dihang gikaltasan ang maong mga utang ang agalon usab nigawas nga manggihatagon nga tungod niini nahimo usab siyang dalaygon. Mao nga wala na lang gyud siya mohimo og paggukod sa maong piniyalan.

Kun kita ang piniyalan sa ato pa, dili kita maoy tag-iya sa atong gihuptan. Ang pagkapiniyalan nagpasabot man nga accountable kita sa bisan unsa nga gipiyal kanato. Ning paagiha ang tanan nga atong nahuptan, lakip na ang atong kinabuhi nahimo mang singlon sa Dios o pangayoan kita og husay sa tanan nga atong nahuptan inig abot sa tukmang panahon. Alang nato usa kini ka dakong hagit nga mamahimo kitang hamtong ug kasaligan.

Nagpasabot kini nga:

1. Bisan unsay atong nadawat kinahanglan nga atong palipangon ug palamboon.

2. Hustong kinaiya ug pagbati. Nagpasabot kini nga ang dili atoa angayan natong ampingan ug panalipdan sama sa pag-amping ug pagpanalipod nato sa atong kaugalingon.

3. Ang tinuod nga pag-amoma nagpasabot man nga atong gamiton ang bisan unsang gipiyal segun sa pagbuot sa nagpiyal kay gikan man sa Dios ang tanan natural lamang nga ang kabubut-on sa Dios maoy masunod ug dili ang atoa.

4. Ning maong  kapasikaran wala kay katungod nga moabuso sa bisan unsa nga giisip mong imoha kay kun buot hunahunaon ang tanan iya sa Dios ug wala kitay atoa.

PAGKALAMBIGIT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with