Kinsa ang mas dunay katungod sa property nga kaduha gibaligya?

Dear Atty. Divine,

Duna mi gipalit nga yuta by installment 2 years ago ug last month amo na kining  nabayran in  full.

Apan lately, among nadiskubrehan nga ikaduha na diay kami nga buyer sa maong property ug ang first buyer niini nagsugod na sa pag occupy.

Sa dihang among gi-confront ang seller miangkon siya nga kami maoy second buyer sa property. Unsay angayan namo nga buhaton? Daghang salamat.

Gina

* * *

Dear Gina,

Basi sa balaod kun adunay nahitabo nga double sale sa usa ka property, ang unang makaparehistro sa pagpalit niini maoy mas dunay katungod sa property provided siya usa ka buyer in good faith or wa siya nasayud nga kaduha gibaligya ang property.

Apan kun way nakaparehistro sa duha ka buyer, ang unang nakapalit sa property ug mi-occupy niini maoy mas dunay katungod.

Sa imo nga kaso,  ang unang buyer naka-occupy na so ang imong option mao nalang ang  pagpa-refund sa imong gibayad sa seller.

Pwede sab nga mo-demand ka og interest. Mamahimo sab nimong pasakaan og kasong criminal ang seller tungod sa iyang gibuhat nga kaduha gibaligya ang iyang yuta.  Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., or email sa [email protected] ug akong tubagon ang inyong pangutana pinaagi sa akong column matag Myerkules, Sabado ug Domingo.