Diha sa pagsibog
MGA LAMAS SA KINABUHI - Fr. Rey Cui (Banat) - September 21, 2019 - 12:00am

Dili sa tanang panahon kita moatraka sa bisan unsa nga atong pagabuhaton. Kini tungod kay dili tanang pagdasdas maayo nga bulohaton. Dunay pagdasdas nga magdala kanato og kapildihan ug ang pinakagrabe ang uban kanila magdala kanato og kalaglagan. Mao nga dunay mga higayon nga kinahanglan kita mosibog ug magpakahilom na lamang.

Mao usab kini ang kalabot sa atong espiritohanong kinabuhi. Angayan kitang mosibog ug magpakahilom lamang aron ang Dios maoy mosulti ug mobatbat sa iyang mensahe ngari nato. Wala kini magpasabot og private revelation hinunoa ang Dios mahimong mosulti man mismo diha sa mga yanong panghitabo sa atong kinabuhi.

Dili na kinahanglanon pa ang mga extraordinary event sa kinabuhi sa matag tawo aron lamang makatuo siya nga dunay Dios. Sud-onga ang imong palibot ingon man ang kalikopan dili ba makita mo man nga ang kamot sa Dios naglihok man bisan pa kun wala pa kita maabot ning kalibutan?

Sa akong pagsuhid sa malinawong dagat luyo sa among kumbento, nakita ko ang mga bata nga nagduwaduwa ug nibathay sa ilang mga panagway ang pahiyom ug kalipay nga dili mahimong bayran og sapi. Kalipay nga tinud-anay. Mao kining pagbatia nga mahimong mapabuhagay dinhi sa lapyahan sa tawhanong pakiglambigit.

Dili maayo nga ako silang duolon aron moapil sa ilang hudyaka sanglit ang maong pagduol mahimong makabalda man sa ilang gihambing kalipay gumikan sa kataha. Mas maayo nga ako silang sud-ongon gikan sa halayo samtang ako mohimo usab og pagsibog ngadto sa akong lawak.

Dili aron mopahuway lamang nga walay mahimo kondili mopahuway aron makalihok na pud sa laing hugna sa pangalagad. Sanglit matag adlaw kahigayonan man sa paghimo og maayo alang sa kadaghanan.

Busa ayaw kabalaka kun  anaa ikaw sa makabungog nga kahilom kay basin kini mao na ang sinugdanan sa imong panaw sa pagsibog sa imong kinabuhing tawhanon. Utingkaya ang imong mga kasinatian kaniadto ug sa maong mga kasinatian pangitaa ang Dios nga maoy nihatag kanimo og kahigayonan aron malipay ug makontento sa bisan unsa nga anaa kanimo.

Adunay nangutana nako kun nganong nitalikod ko batok sa tawo nga midaut kanako. Apan bugtong kahilom lang ang akong ikatubag. Lisud na kun masayod sila sa bisan unsang anaa sa akong hunahuna kay lisud abuton ang managlahing baruganan ug mao nga way hinungdan ang bisan unsang argumento sa hunahuna nga sirado.

PAGSIBOG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with