Di maangkon ang yuta bisan di makabayad sa giutang
Dear Atty. Divine:
Ang among yuta giprenda sa akong papa og P500,000.00. Dapat bayran niya ang maong utang sud sa duha ka tuig. Mipirma ang akong papa og kasabutan uban sa iyang giprendahan og basi sa ilang kasabutan kon dili makabayad si papa sa utang automatic nga mapanag-iya sa giprendahan ang yuta. This year na mo due ang utang ni papa ug naglisud mi sa pagpangita og kwarta para ibayad kay dako man gud og interest. Ang akong pangutana nga sakto ba ang ilang kasabutan nga automatic mapanag-iya sa giprendahan ang yuta kun di mi kabayad? Daghang salamat.
Gina
* * *
Dear Gina,
Dili mahimo nga angkunon sa giprendahan ang inyong yuta kun di mabayran sa imong papa ang utang. Basi sa Article 2085 sa atong Civil Code kini nagdili sa creditor sa pagpanag-iya sa butang nga gi-pledge o gi mortgage sama sa yuta sa imong papa nga giprenda. Kun di makabayad ang nangutang kinahanglan nga i-foreclose ang property ug dayon i-public auction ug ang proceeds niini maoy ibayad sa utang. Kanang provision sa ilang kasabutan nga automatic mapanag-iya sa giprendahan ang yuta sa imong papa kun di siya kabayad sa utang usa kana ka kalapasan sa balaod. So, wa ka nay legal effect kay wa gyud itugot sa balaod ang pactum commisorium. Thanks and God bless!
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column.
- Latest