SC dunay Ginoo
JAV BANATI - Javier Yntig Tapulado (Banat) - September 13, 2019 - 12:00am

Sagad, inig oath taking sa mga nakapasar sa pasulit sa pagka-doktor, magsapnay ilang pikas palad og bibliya samtang miisa sa tuong kamot uban sa panumpa nga kutob sa unsay mahimo, buhaton gyod nila ang pagluwas ni bisan kinsang pasyente nga nanginahanglan sa ilang katakos.

Hasta sa mga bag-ong nakapasar sa bar exam, diha sa ilang pag-oath taking, mag-aray sab og Bibliya ug misaad nga diha sa ilang paglaban og kaso mao gyoy ilang ipatigbabaw ang katarong ug kaligdong  diha sa  patas nga timbangan sa balaod. Ug sagad sa oath taking nga pagahimoon (hinuon dili tanan) himoon mang panapos nga statement ang: “So, help me God!”

Mao man gani nga panahon sa husay, atubangan sa huwes ug sa mga nanambong moisa man sa tuong kamot ang kihante ug ang gikiha (pag-abot sa iya-iyang turno sa pagsulti} ug moingon: “I promise to tell the truth, the whole truth and nothing but the truth”

Mga pulong nga nagasubay sa kabubut-on sa Diyos, mga pulong nga kon kinasingkasing lang sundon, segurado gayod nga makab-ot ang matuod nga hustisya dinhi sa yuta maingon sa langit.

Apan gisunod ba kini sa atong mga abogado ug husgado?

Nganong daghan mang naprisong pobre nga walay sala samtang ang milyonariyong sad-an nagpabiling gawasnon ug padayong nag-enjoy sa gidili niyang bigtime business?

Nganong usahay, tun-an man sa abogado ang ilang kliyente sa pagpamakak aron maoy modaog sa kaso, nga unta nakasupak man kini sa Iyang mga sugo?

Mao baya ni hinungdan, nga daghang nagrebelde, nag-NPA, nag-aktibista ug nagwalhon. Kay sila, mismo, mga biktima sa inhustisya sa hustisya sa Pilipinas.

Bitaw! Nganong usahay mokiling man ang timbangan sa balaod sa Pilipinas pabor sa milyonariyong sinumbong? Hagbay rang naguba ang kaligdong sa imahen sa atong hustisya.

Apan niadtong Septiyembre 4, dihang nagbansiwag sa mantalaang The Philippine Star ang balita nga: ‘Supreme Court unanimously shoots down same sex marriage’ pinaagi sa 15-0 votes sa mga mahistrado, kinsa mibasura sa petition ni Atty. Jesus Nicardo Falcon III bahin sa pag-legalize sa same sex marriage dinhi sa ato, nakahangad sa Langit ang kinabag-an sa Romano Katoliko, nakapangurus agig pasalamat sa Kahitas-an dungan ang pag-ingon:

“Ang Supreme Court adunay Ginoo.”

GINOO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with