EDITORYAL - Kuwang sa PNP
(Banat) - September 12, 2019 - 12:00am

Kinahanglang mag-upgrade gyud og maayo ang kapolisan sa Pilipinas nunot niining dili na mapugngang pagdagsa sa mga langyaw nga dili lamang mga turista kondili nanarbaho na gyud dinhi, legal o illegal nga paagi.

Usa sa kinahanglan nilang makat-onan mao ang mga lengwahe sa mga langyaw, ilabi na kadtong gikan sa mga nasud nga daghang turistang manganhi sa Pilipinas.

Nag-una niini ang South Korea ug China. Kaning duha ka mga nasud daghan ang dili makasabot o makaestorya og Eningles apan sila maoy kinadaghanan og mga bakasyonista matag tuig dinhi sa Pilipinas.

Ang mga polis dunay daghang English speakers o makasabot og Eningles bisan og dili kaayo makamaong motabi niini. Apan mas maayo nalang kini nungka dili gyud magkasinabot tungod sa lengwahe.

Niadtong nakalabay nga semana, dunay gironda nga illegal online gambling den sa Dakbayan sa Lapu-Lapu. Naaresto ang 182 ka mga Chinese nationals nga giingong nagtrabaho sa maong establisamento.

Base sa pasiunang imbestigasyon illegal ang ilang pag-anhi dinhi ug pagpanarbaho sa maong kompanya. Apan samtang gikostudiya ang mga langyaw, dako kaayo ang problema gumikan kay walay polis nga makamao sa lengwahe sa mga dinakpan.

Ang resulta, giilad-ilad ra ang mga otoridad sa mga langyaw. Ang mga pangalan giusab-usab lang pagpangalyas hasta ang edad. Naobserbahan kini sa mga imbestigador matag pangutana nila sa pangalan sa mga dinakpan.

Nakapalisod kini sa nagpadayong imbestigasyon ug sa pagpreparar sa kasong ipasaka batok sa maong mga langyaw.

Usa pa, kun makasabot ang mga polis sa ilang lengwahe mas makakuha sila og dugang impormasyon pinaagi lang sa pagpaminaw sa estorya ug tabitabi sa mga dinakpan.

Busa, importante gyud kaayo para sa kapolisan nga magtuon og pinulongan sa mga langyaw dili lang sa Englis tungod kay daghan sa mga langyaw nga mangabot dinhi dili sab makamao niini nga pinulongan.

Makatabang sab sa turismo sa nasud kun dunay daghang mga polis nga makamao sa pinulongan sa ubang mga nasud ilabi na sa mga turistang ilang abi-abihon o kun modangop kanila o kinahanglan nilang tabangan.

PNP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with