Pagtago sa kasayuran sa ASF
ARANGKADA - Leo Lastimosa (Banat) - September 9, 2019 - 12:00am

Kon di magbantay si Agriculture Secretary William Dar di na tuohan sa katawhan bisan unsay iyang isulti. Kay kadudahan ang gihatag niyang kasayuran mahitungod sa gikalisangan nga African Swine Flu (ASF):

Naunhan siya sa Taiwan sa pagpahibawo niadtong Agosto 18 nga may gidudahan nga mga kaso sa ASF sa Rizal ug Bulacan;

Gipahibawo niya niadtong Agosto 25 nga di ASF ang namatyan sa mga baboy sa wa niya ilhang mga dapit sa Luzon;

Gipasalig niya niadtong Septiyembre 4 nga mahibaw-an na sa Septiyembre 6, Biyernes, kon ASF ba o laing kagaw ang namatyan sa mga baboy; apan

Hangtod sa akong pagsuwat ini wa niya ipahibawo unsay nakit-ang sakit sa nangamatayng mga baboy.

* * *

Nitug-an si Dar nga nadawat na niya niadtong Septiyembre 4, Miyerkules, ang sangpotanan sa laboratory test sa blood samples nga gipada sa United Kingdom, Spain ug Australia kansang mga laboratoryo maoy giila sa World Organization for Animal Health nga labing takos nga moila sa ASF.

Apan wa una niya ibutyag sa publiko. Kay iya pang itaho sa tigom nga gabinete nga dumalahon sa presidente pagka gabii sa samang adlaw.

* * *

Nahibaw-an sa katawhan nga ang tigom sa gabinete naabtan og alas-2 sa kadlawon niadtong Huwebes, Septiyembre 5, tungod sa testimoniya ni Justice Secretary atubangan sa mga senador nga nisusi sa mga pasangil sa pangurakot sa pagpanghatag sa mga benepisyo sa Good Conduct Time Allowance (GCTA) Law.

Apan wa na madunggi si Dar sa publiko. Nga nabawo og paabot sa iyang gisaad nga kasayuran kon kasayuran luwas pa ba o nasudlan na sa ASF ang Pilipinas.

* * *

Nganong gisalikway na man ni Dar ang kahigayonan sa ASF niadtong Agosto 25? Aron lang bakwion human sa napu ka adlaw nga posibleng ASF gyod diay ang nakapatay sa wa itug-an nga gidaghanon sa mga baboy sa wa sab itug-an nga mga dapit?

Nganong gitagoan man ni Dar ang kasayuran sukad niadtong Septiyembre 4? Gibugoan ba sa katawhan nga iyang gituohan nga magkaguliyang kon hatagan sa tanang kasayuran? Mao nga siyay magbuot unsa ray kasayuran nga luwatan ug kanus-a ihatag? Unsaon man pagtabang sa katawhan sa kampanya pagsagang sa ASF kon padayon silang bakakan sa tinuod nga mga panghitabo?

* * *

leolastimosa@gmail.com

ASF
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with