Condom removal bill bastos

Dihang nakasala si Eba ug si Adan didto sa paraiso human kan-a ang gidiling bunga, gihinginlan sila sa Ginoo ug gisugo: “Go to the world and multiply.”

Busa, dakong supak ang Simbahang Katoliko paggamit og contraceptives devices diha sa panag-sex sa babaye ug lalaki sulod sa salag sa kaminyoon sanglit sa higayon nga magkatipon ilang duga  sa nagkahinigugmaayng hulmahan, mogitib-turok ang usa ka bag-ong kinabuhi, diin inig kahimugso, mahimo nang usa ka templo sa Diyos.

Kitang tanang tawo, mga templo sa Ginoo. Busa, angay gyud limpiyohan kanunay ang atong kaugalingon: dili lang kutob sa lawas, kondili, ilabi na sa atong kalag.

Apan subo palandungon, nga gidasig sa atong gobiyerno ang katawhan paggamit og condom panahon sa pagpakighilawas. Buhat, nga nakasupak sa kabubut-on sa Ginoo.

Hinuon, may punto ang atong gobiyerno sa ilang tumong nga mao ang pagkontrolar sa mga ginikanan pagbaton og pipila lamang ka anak (4 ra dapat kutob). Buwahan, mahatagan og mahayag nga kaugmaon.

Ang mga pamilyang kabos walay ikagasto sa nagkamahal nga kalingawan. Hinungdan, nga making baby ra gyud intawon kutob. Happy na sila, libre pa! Monang condom ipagamit? Bisag free pa, yam-iran ra!

Hinungdan, gisupak sa kinabag-an ang House Bill 3957 nila ni Ako Bicol-Party List Rep. Alfredo Garbin ug Elizabeth Co nga alang nako, usa ka pagpanghilabot sa pribado ug tawhanong katungod.

Lalim bay, huboon lang ang condom sa hugna sa panag-sex, pwede na kasohan og sexual assault? Ang silot gikan sa 12 ka tuig ug 1 ka adllaw ngadto sa 14 years and 8 months nga pagkabilanggo. Unya, multahan pag dili momenus P200K ug di molapas sa P500K.

Ingkasog mataptan-takdag sakit sa paghilawas o mabuntis, ang nakasupak-sala prisohog 17 years and 4 months ngadto sa 20 years ug pabayrog multang P200K to P700K.

Moabot pa nig P5M. Depende sa kaso. Pagkagalante sa maong bill nga mahilabtanon. Wala gyuy respeto sa personal ug pribadong propriyedad sa tawo.

Oh, what a cheap, non-sense proposal! Maypag maghimo mog balaod nga makaedukar ug makapadato sa mga kabos sa tinarong nga paagi, ay, Rep. Garbin ug Co. Ikalipay pa kini sa Ginoo.