Hagit sa Ebanghelo
ANG DIOS MIINGON - Fr. Rey Cui (Banat) - August 25, 2019 - 12:00am

AGOSTO 25, 2019: IKAKAWHAAG-USA NGA DOMINGGO SULOD SA TUIG

Mga Pagbasa: Is. 66;18-21/Sal. 12/Heb. 12;5-7,11-13/Lk. 13;12-30

Dili pa lang dugay nahuman ra gyud ang gihimong 4th National Conference sa mga sakop sa Philippine Association of Catholic Exorcists didto sa kaulohan. Gani nahimong usa sa mga diskusyon nakasentro man sa dakong kamahinungdanon sa paghimo og integral nga pagpuyo sa kinabuhi ingon nga ministro sa kalingkawasan ug maayong Kristiyano. Kini, sa ato pa, kinahanglang makita diha sa buhat kun unsay gitudlo ug gisangyaw sa usa ka exorcist aron sa ingon mamahimong mas gamhanan ug epektibo ang matag pangalagad dili tungod sa kaugalingong katakus kondili tungod sa grasya sa Dios.

Apan malisud kining maong hagit sa ebanghelyo sanglit ang ebanghelyo dunay iyang set of standards. Nagpasabot kini nga ang ebanghelyo nagdapit kanato sa pagsubay sa hagip-ot nga dalan sa pagtuman sa kasugoang Diosnon. Hagip-ot kini ug dili tanang mga tawo ang nakaako sa pagsubay niini. Lisud gyud kini subayon ug kay lisud man natural mamahimong mas bug-at ang pagtaak niini labina kun dunay mga tawo nga mohatag sa ilang kantalita, mga tawo nga nisubay sa halapad nga dalan sa kalaglagan.

Nahinumdom nuon ko sa awit nga nagkanayon:  “Dili sayon ang pagsunod kang Kristo daghang tunok ang dalan nga agian mo, bug-at ang krus, nga pas-anon mo ug kamatayon naa, naghulat kanimo.”

Sa dihang gipangutana ko sa usa sa akong mga kauban kun mopadayon pa gihapon ko ining buhata bisan pa man sa akong kakuwangan, ako silang giingnan nga Oo dili tungod kay interesado ko ning maong buhat kondili dili ko kaako nga pasagdan lang ang bisan kinsang binunyagan nga daugdaogon sa bisan kinsang demonyo.

EBANGHELO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with