Winning attitude
SENIOR CITIZEN - Antolin dela Serna (Banat) - August 23, 2019 - 12:00am

Ato na kining nadaklitan paghisgot dinhi. Ato kining padayunon ug tiwason pagbatbat karon, kay nindot kaayo ni alang kanatong mga senior citizens ilabina niadtong medyo nagtuo nga wala na silay paglaum ning kinabuhia.

Daghan man gud nato nanawad-an nag kadasig, nagtuo nga sa bisan unsang paningkamot, dili sila magmadaugon ug kapakyas maoy kanunay nga mahiaguman.

Giingon dinhi nga kining tanan, ania ra sa atong attitude, kun unsa ang atong panglantaw sa mga panghitabo ug sa mga butang nga nag-alrirong kanato. Nga kun sa imong pagtuo wa na kay mahimo, wa gyud kay mahimo. So, attitude.

Si Wilson Lee Flores sa Philippine Star misaysay ang mga attitude nga makasanta sa negative natong panghunahuna. Iya kining giulohan How to have a winning attitude.

Una, Think positive. Matud ni kanhi Health Secretary Juan Flavier ug Michael Jordan: Just do it. Matud pa, there’s no harm kon ikaw mituo ug misalig sa imong kaugalingon, as long nga imong i-reinforce ug paubanan sa mga paningkamot ug pag-ampo.

Nga kun sa sinugdanan wala ikaw mosalig sa imong kaugalingon nga dili ikaw makahimo sa buot nimong buhaton, nan, pilde ka, wa gyud kay mahimo.

Unya,  Set goals and write down with target schedules. Kun sa imong tan-aw sa imong kaugalingon nga sama sa ikaw nga naglutawlutaw ning kinabuhia, walay klarong tumong ug walay klarong direksiyon sa kinabuhi, wala kay mahimo.

Kinahanglan aduna kay klaro ug  tukma nga padulngan, asa ka paingon ug unsa nga matang sa ugma ang imong mahisguman.

Passion.  Giingon dinhi, we should love our work. Nga kun unsa man karon ang imong trabaho, ma-janitor o ma-manager, love it. Higugmaa ug ampingi ang imong trabaho. Enjoy it. Ayaw pagsige o reklamo ngano nga nagpabilin kang janitor. Daghan kong kaila nga manager nga niagi sa pagka-janitor. Perseverance.  Matud pa, never give up. Ayaw pag-surrender. Himoa ang mga kalisdanan nga mga kahigayonan o opportunity paglampus. Not the other way around.

Choose your friends. Ato kunong likayan ang pagkighigala sa mga tawo kansang kasingkasing puno sa kasilag ug pagdumot sa isig-katawo, ug niadtong mga tawo nga adunay negative nga panghunahuna, daghang bisyo, ug niadtong kanunay lang nga nag-bagulbol ug nanghimaraot sa ubang tawo. Kini aron dili ka matakdan sa negatibo niyang panghunahuna.

Inspiration from family members, loved ones. Sa gusto ta’g sa dili, aduna gayoy mga tawo nga makahatag kanato’s inspirasyon, makadasig kanato. Ug kini atong Makita sa kaugalingon natong pamilya, ug sa minahal atong kahigalaan.

Gisugyot usab dinhi sa pagbasa sa kasaysayan iabina bahin sa atong mga bayani, kay ang ilang kinabuhi maka-inspire kanato.

Try to control your emotions. Importante ni. Atong hinumdoman ang tambag ni Marcos ngadto kanila ni Susan Roces ug Fernando Poe: “ Don’t make decisions when you’re emotional ... when you’re too happy, or too sad ... because ypu’re bound to make mistakes. “

Success is the best revenge. Ayaw pag-usik-usik  sa panahon ug sa imong kusog to get even, o  sa pagpangita’g paagi pagpanimalos batok sa nakasala kanimo. Hinunoa, himoa ang imong kayugot ug kasilag nga mamahimong kasangkapan sa imong paglampos kay ang paglampos maoy labing matam-is nga matang sa panimalos.  Try all these.

WINNING ATTITUDE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with