Si Roque

Matag buwan sa Agosto si San Roque ang mosantop sa akong ulo. Anak siya og dato apan sa linghod nga panuigon human makahimo og panaw sa Roma ang nahimong matinabangon kanila nga mga masakiton. Mao nga panahon sa mga peste ug epidemiya siya pagatawgon gyud.

Si Roque bisan pa man kun nag-antos ang tawo nga dili buot mamahimong sagabal ngadto sa uban busa nibuot siya nga mamahimong mag-antos na lang sa hilom kaysa makasamok pa sa lain. Mao nga matud pa sa sulugilanon niadto siya sa kakahoyan aron didto na lang magpakamatay.

Mao nga dunay iro nga magdad-anan kaniya og makaon ingon man motilap sa iyang mga samad. Mao nga ang iyang imahen dunay iro sa kiliran.

Sa laing bahin, ang nakapahimo ni San Roque nga Milagroso kaayo mao man ang iyang pagkamaluloy-on ug kaayo ngadto sa walay nahimo ug nagmasakiton. Mao nga nga duol kaayo alang kaniya ang mga masakiton butang nga nagdapit usab nato nga mamahimong magpakabana kanila nga nag-antos sa mga nagkadaiyang mga balatian lawasnon, pagbati ug espirituhanon. Gitawag kini og Corporal Works of Mercy. Dili lang tungod kay nag-apas kita og kaayohang espirituhanon isip ganti sa atong buhat sa kalooy kondili usab kalipay ug katagbawan sa atong bahin.

* * *

Agresibo ra kaayo ka

Astig kun paminawon. Tigas kun palakton gani sa uyab kusog mangilog ug patawag tawag pag wifey sa sama niyang babaye. Kun di matubag ang iyang mga tawag masuko ug manghuraw nga tingog niya motaas. Ang karelasyon hayloon lang og tsinelas singsing sa mga panumpa sa gugmang nabag-as.

Salabtunon man tuod ang gugma apan dili maayong mahigugma sa mga sama ning matanga. Gugma nga puno sa pagpakaaron ingnon ug pagpangilad. Dili lang sa karelaasyon kondili usab sa kaugalingon. Mga matang gibutaan sa buhing kamatuoran nga dili mahimong tuison bisan unsang matanga pa sa innovation.

Lisud ning magpaaron nga astig ug tig-a kun balatian nimo nagbasa ug haguka. Ang mas maayo mao nga dawaton nimo ang kamatuoran, kalakip ang paghangop sa imong kahuyangan.

Labaw sa tanan, ayaw pagpakita sa imong kaagresibo kun ugaling moabot ang panahon nga ikaw motalaw ug magadala lang nuon og tigaw sa kinabuhi sa uban. Mentras tanto baboo! Kay mitinga na ang baka!

Sa mga bakak nga pasalig ug sa mga mailarong pagbanhig sa tigbayon sa gugma sa mga plantsang gitay-an na. Bugtong hinuptanan mao ang panghuraw nga hunoson ang kinabuhi kay lagi way ayo diha sa natad sa palooy looy effect. Sa tanan nga akong nailhan kining linalanga ang maisip natong ungo sa udtong tutok.