Bag-ong printer para sa lisensya
RENBOR PATROL - Rene U. Borromeo (Banat) - August 20, 2019 - 12:00am

Ang mga driver dili na gyud karon maglisud pagkuha og plastic ID type driver’s license kay ang LTO diha sa Robinson’s Fuente ug SM City nakabaton na og bag-o nga laser engraver nga makaimprinta og plastic driver’s license.

Si LTO-7 Regional Director Vic Caindec miingon nga kapin sa semana pa lang nga nakaangkon niining printer sa mga driver’s license ang LTO Robinson ug sa SM City.

Sa ato pa, ang tanang mga LTO branches ug sattelite offices dinhi sa Sugbo, makahimo na sa pag-isyu og mga plastic ID type driver’s licenses.

Aw, ako hinoon, kaniadto pa nga anha man gyud ko magpa-renew sa akong lisensya sa  LTO sattelite office sa SM City kay paspas kaayo, ilabi na kon hapon ka moadto.

Na hala, kamong mga driver nga molukat, o kaha mopabag-o sa inyong lisensya, ayaw na mo pagpunsisok sa mga LTO diha sa Talisay. Paspas kaayo ang pag-isyu og lisensya diha sa Robinson’s Fuente ug SM City mao nga pahimusli ninyo.

* * *

Nindot nga balita kay gibutyag ni Mayor Edgardo Labella nga ipapadayon niya ang pagtanyag og “special courses” diha sa Cebu City Library, sama sa  pagtuon pagsulti ug pagsuwat og pinulongan nga Japanese, kon Nihongo.

Gani, gitug-anan ko ni Mayor Labella nga iya na nga gipapahawa ang mga kawani sa Cebu City Tourism Office ug ang Cultural and Historical Affairs Commission (CHAC) gikan diha sa City Library Building.

Ang tumong ni Mayor Labella mao nga aron may dakong luna na nga magamit ang library kay gihugopan ra ba kini sa publiko sulod sa 24 oras, pito ka adlaw sa semana.

Maantigo na gyud kita mosulti niini og pinulongan nga Hinapon. “Watashi wa Nihongo wo benkyou shimasu,” Daghang balay patigayon dinhi sa Sugbo, gitagana para sa mga Japanese nationals mao nga Hinapon ang ilang karatola.

Angay gyud ta nga malipay kun makabasa na kita sa mga mga karatola sa mga tindahan nga may sinuwat nga Japanese characters, ug mahibaw-an nato kun unsay kahulogan niini.

Alang niadtong gusto nga motoon sa pinulongan nga Hinapon, atong pagakpakan si Mayor Labella.

* * *

Giwagtang na man diay ang posisyon nga “utility” diha sa mga opisina sa gobiyerno, ug giilisan na og “administrative aide.” Mao na nga kadtong madawat sa pagka administrative aide, mangita na og lamesa.

Kataw-anan kaayo kay mao kini ang nahitabo sa daghang mga kawani sa Cebu City Hall, apil kadtong didto gidestino sa Department of Public Services ug Parks and Playground Commission.

Pastilan, dili na man mogunit og silhig kay administrative kuno ang ilang trabaho. Hehehehe.

LTO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with