Lingla
AMBOT LANG - Gerry Auxilio (Banat) - August 20, 2019 - 12:00am

Nagpaugat gihapon si kanhi Lapu-Lapu City Mayor ug karon kongresista Paz Radaza sa iyang baruganan mahitungod sa isyu sa opisina sa kongresista nga gipahiluna sa balay lungsod sa dakbayan.

Kini bisan pa man og gikandadohan na sa bagong napiling Mayor Junard “Ahong” Chan ang nahisgotang opisina.

Rason sa kampo sa kongresista sa wala pagpahawa sa opisina mao ang pagpaabot una sa opinyon sa Department of Interior and Local Government (DILG) kun angayan bang biyaan sa kongresista ang opisina.

Apan human gipagawas ni DILG Secretary Año ang opinion nga iya sa Mayor ang pagtugot ug ang pagpagamit og opisina sa balay lungsod wala mopahawa si kongresista Paz Radaza.

Laing rason sa kongresista mao ang pagpaabot sa hukom sa husgado mahitungod sa kaso nga gipasaka mahitungod niini.

Apan sa akong pagpakighinabi ni Atty. James Sayson ang City Attorney sa dakbayan sa Lapu-lapu sa akong programa sa DySS Super Radyo Cebu niadtong Huwebes sa gabii sa miaging Semana iyang giingon nga walay kaso nga gipasaka mahitungod sa isyu.

Giklaro ni Atty. Sayson nga wala mopasaka og kaso ang kampo ni Radaza batok sa kagamhanan ni Mayor Chan ug ang Mayor wala usab mopasaka og kaso batok sa kampo ni Radaza mahitungod sa isyu sa opisina sa kongresista.

Nagduda si Atty. Sayson nga gilingla lamang ni Radaza ang mga Oponganon ug gustong sabotahi-on ang pamunoan ni Chan.

Tinuod ang pangagpas ni Atty. James Sayson pero aduna pay laing rason nganong gusto gayod nga magpabilin sa City Hall ang  kanhi mayor.

Gusto sa kogresista nga kanunay siyang makit-an sa mga tawo kay dili man kini siya mobisita sa iyang katawhan, magpundo man lang ni siya sa opisina dili man ni siya parehas ni Chan nga moadto gayod sa iyang katawhan.

PAZ RADAZA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with