EDITORYAL - Maayong pagpanaw Gina Lopez
(Banat) - August 20, 2019 - 12:00am

Nawagtangan og usa ka lig-ong haligi sa kampanya pagpanalipod sa kalikopan ang Pilipinas ug ingon man sa media sa pagtaliwan kagahapong adlawa ni kanhi DENR secretary Gina Lopez nga gibuntog sa sakit nga kanser sa utok. Sumala pa nga si Lopez namatay sa edad nga 65. Anak sa chairman emeritus sa ABS-CBN Eugenio Lopez Jr. ug Conchita La’o.  Apan bisan sa iyang pagkaadunahan wala siya nagpakabuhi sa luho tungod kay mas gipili niyang makiguban ug gitabangan ang mga kabus ug mga nagkinahanglan.

Siya maoy managing director sa corporate social responsibility programs sa ABS-CBN Foundation  ug maoy nagtukod sa Bantay Bata 163 sa ABS-CBN Foundation aron maluwas ang mga batang giabusaran.

Siya sab ang niestablisar sa Bantay Kalikasan sa mao gihapong kompanya nga iyaha sab nadala sa dihang niserbisyo siya og makadiyot sa gobiyerno.

Sa dihang gitudlo siyang kalihim sa DENR niadtong 2016 gipasirad-an niya ang 23 ka mga minahan dinhi sa nasud, ang uban gipanagiya o may share ang pipila ka mga politiko tungod sa kadaut sa kalikopan.

Sa iyang paningkamot nasalbar ug natukod ang himatyunong La Mesa Watershed EcoPark ug ang seryosong rehabilitasyon sa Pasig River sa Manila.

Dinhi sa Sugbo, mas nailhan si Lopez sa iyang unang higayon nga pagbisita sa Inayawan Sanitary Landfill ug pagkakita palang niya sa duga sa mga nagtambak nga basura nga nituhop sa yuta, gimando dayon niya ang pagpasirado niini, tuod man nigawas ang desisyon sa Court of Appeals nga nagpasirado niini.

Ang maong landfill gipasirad-an ni kanhi mayor Michael Rama tungod kay puno na ug tungod sa polusyon, apan dihang midaog si kanhi Cebu City mayor Tomas Osmeña giablihan kini niya pagbalik, hinungdan nga nipasaka og kasong writ or Kalikasan si konsehal Joel Garganera.

Ang mga parehas og kalibre ni Lopez maoy gikinahanglan sa Pilipinas. Kaso lang malala kaayo ang politika dinhi.

Kay bisan og tinudlo siya ni Pres. Duterte, ang Commission on Appointments nga gilangkuban og mga kongresista mibotar pagbasura sa iyang appointment isip kalihim sa DENR. Biktima siya sa politika.

GINA LOPEZ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with