Ang third eye ni Dodong
MGA LAMAS SA KINABUHI - Fr. Rey Cui (Banat) - August 19, 2019 - 12:00am

Duna koy higala nagkanayon: “Sa among tulo ka mga managsuon niadtong bata pa mi ako ra gyud ang dunay third eye!”Ako siyang gisuna kun ngano: “Siya nagkanayon:

Tungod kay sa among tulo, ako ra gyud ang nakakita sa hugason!” Ako siyang giingnan usab nga ning magka edad na ta, madaut na gyud ang atong mata…. kini tungod kay kada tan-aw nako sa akong pitaka wala naman koy makita!”

Mga patotsada ra gud apan dala tinuod. Kini tungod kay ang kinabuhi sama ra gyud sa mata sa matag tawo.

Kasagaran kun dunay third eye ang mosantop dayon sa atong hunahuna mao kadtong mga tawo nga gigasahan nga makakita og mga reyalidad nga matawag natong espirituhanon.

Mao nga ang tawo nga mo claim nga siya dunay third eye mangangkon man nga siya dunay nakitang mga espirituhanong linalang.

Duna toy babaye nga kanako nangutana: “May third eye ka ba?” ako siyang giingnan:

“Oo duna kay sa tanang mga babaye nga akong nakita ikaw ra gyud ang giisip kong gwapa!

”Nibahakhak siya dili tungod sa kagwapa kondili tungod sa pulong third eye kay lagi siya ra gyud ang giisip nga gwapa taliwala sa daghang mga gwapa.

Sa positibong panlantaw ang third eye nagpasabot og sensitivity nga bisan pa man kun unsay nakita nga kasagaran sa uban imong giisip nga matupngan pinaagi sa imong pagkamahinungdanon. Dili lang tungod sa panggawas nga bayhon kondili sa sulod ug sa kinaiya mismo sa tawo.

Ang tawo nga walay makita mahimong magdumili sa pagkakita niini.

Dili tungod kay dili siya makahimo o ang iyang mata dili makahimo kondili tungod kay siya mismo nga hingtungdan ang nagdumili man sa ingon. Mao nga lisud mangita kun ang mata gituyo nga mahitagpilaw gikan sa pagkahigmata sa kamatuoran.

Nindot ang pagsud-ong sa kalibutan ug matag kalibutang tawhanon, kalibutan nga malambigiton. Sa dihang nahigmata ko gikan sa akong paghikatulog. Ug sa akong pagtan-aw sa akong relo alas tres naman diay sa kaadlawon.

Ug nahinumdom ko ni Monsenyor Ite nga nagmaymay kanako: “

Ayaw kahadlok anang orasa, tingali reminder kana nga kinahanglan  kang mag-ampo!”

Tuod man giampo ko ang three o’clock habit piniyong ang mga mata ug sa pagbuka nako niini sidlak na ang bidlisiw ni Haring Adlaw!”

DODONG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with