Gustong moretiro og sayo

Dear Atty. Divine,

Ang akong papa nagtrabaho sa usa ka kompaniya sud na sa 26 ka tuig. Kuwang nalang siya og 3 years aron maka retire. Ang ilang manager nangutana ni papa kun ganahan ba siya nga mopahuway na og trabaho ug di na mohuwat og 3 years una mo-retire. Matud sa manager nga pwede ra nga mo tender og resignation si papa ug dayon iyang ipa process sa opisina nila ang retirement ni papa. Gusto na ni papa nga mo-retire na apan ang iyang pangutana kun sakto ba nga mo-submit siya og resignation letter? Daghang salamat. —Jessa

Dear Jessa,

Dili angay mo-submit ang imong papa og resignation letter kun gusto siyang mo avail sa early retirement. Kay sa retirement obligado nga mohatag og retirement benefit ang kompaniya samtang sa resignation dili obligado nga mohatag og separation pay ang company sa employee nga boluntaryong mi-resign. Kun gusto sa company nga mo-retire 3 years earlier ang imong papa then dapat mo offer sila sa imong papa og early retirement package ug dili kay pasubmiton ka og resignation letter.

Thanks and God bless.  —Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.