^

Floyd hadlok ni Manny

JAV, BANATI! - Javier Tapulado (Banat) - August 4, 2019 - 12:00am

Sa tanang boksidor nga akong nailhan, si Floyd Mayweather Jr. ang kinahambogeroan ug sobra kamapahitas-ong manulti. Tiaw bay, matod pa niya, nga si Manny Pacquiao misikat lang kuno sa natad sa pamoksing tungod sa pagsigeg gamit sa pangalang Floyd. Mao nga iyang gimandaran si Manny, nga hunongon na kini kay igo ra kunong misakay sa kabantog ni Floyd.

Sa tinuoray lang, si Floyd mismo nasayod, nga delikadog kontrahon niya pag-usab ibabaw sa ring si Manny kay segurado gyud si Floyd nga mahugawan ang iyang 50-0 no Loss record. Labi na, kay iyang nasaksihan kun giunsa pagpilde ni Manny ang mas taas, mas dako ug batan-ong 30 anyos nga Keith Thurman, kinsa usa ka knock out puncher sa miaging Pacquiao-Thurman fight, Las Vegas, Nevada, Hulyo 20? Kinsa bang Mayweather ang dili abotog panalaw?

Mao nga agig pagtabon sa iyang katalawan, mipasangil nga sangpiton pirme iyang ngalan ni Manny kay gusto lang makasakay sa kasikat ni Floyd. 

Pero, Floyd, koreksiyon lang. Ang bugtong tumong nganong mahisgotan imong ngalan kada tapos sa malamposong sangka ni Manny, mao nga gihagad kag rematch, sanglit nakita man nga kadtong una ninyong panag-engkuwentro ni Manny, si Manny man ang midaog.

 Ug nakurat na lang ang nakasaksi dihang ikaw maoy gipadaog sa tulo ka judges, kinsa gihayir ubos sa imong promosiyon.

Gani, si Shane Mosley, kinsa nakaparang ug nakaagi ni Manny ug nimo, Floyd, namahayag, nga si Manny kuno ang angayng padag-on, ug dili ikaw!

Makasamad sa kasingkasing ang gibuhiang pamahayag sa hambogerong Floyd, kinsa sobrang belib sa iyang kaugalingon, apan giyam-iran sa minilyong mata sa boxing fans, kinsa nasayod nga wala ra siya sa kumingking ni Manny kon ang abilidad na sa pagpakigkombati nilang duha maoy husgahan.

Kana lang pagka champion sa Eight World Boxing Division Titles nga hagbay rang gihuptan ni Manny, bisag unsaon pagpanghambog ni Floyd nga wala pa siya makaagig pilde sa pamoksing, dili na kini niya maapsan.

Hinungdan, nga dihang gipahibalo na sa boxing announcer nga si Pacman ang midaog sa away nilang Thurman, si Floyd murag tagulilong, kalit lang nawala sa iyang gilingkoran kay misibat dayon. Ebidensiya nga hadlok gyud siyang makig-rematch ni Manny.

MANNY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with