Treasurer’s Office sa SM City na
IYO ANTOY - Antolin dela Serna (Banat) - July 30, 2019 - 12:00am

Sugod gahapon, as scheduled, pipila sa mga division sa buhatan sa mamahandi ning dakbayan ang gibalhin ngadto sa SM City sa North Reclamation Area.

Kini temporary lang, samtang gitrabaho pa ang buhatan sa Mayor nga sa panahon sa unang administrasyon gi-okupahan sa treasurer’s office, ug ang buhatan ni kanhi Mayor Mike Rama  gibalhin ngadto sa ikawalong anda sa executive building sa city hall. Ambut ngano!

Karon buot ni Mayor Edgar Labella nga ma-accessible siya sa labing sayon niadtong buot makigkita kaniya. Hasul gyud kaayo alang sa mga magbubuhis nga adunay tuyo sa Mayor. Sayud man ta nga pirmeng puno ang elevator, mag-inilogay pa. Busa, nahug og dili friendly ang Mayor’s Office.

Ang tua sa SM City mao ang business taxes division, real property tax division, cash receipt division ug ang  business permit ug licensing office. Busa, kon pananglitan mobayad ka sa buhis sa yuta, adto ka sa SM City, bugnaw kaayo ang aircon ug ma-simultaneous pa nimo ang pagpangompra. Actually, temporaryo ra ni.

Apan, alang nako, maayong ipermanente na lang, aron inigbayad nako sa real estate tax, hayahay kaayo. Di pa ko maglisud sa parking.

Matud ni Atty. Jerome Castillo, acting head sa treasurer’s office, ang buhatan anaa mahimutang sa ikaduhang andana, kanhi gi-okupahan sa Visayan Electric Company; bukas matag Lunes hangtud Biyernes,  gikan sa alas 10:00 sa buntag hangtud alas 6:00 sa sayong gabii.

Kun daghan kaayo ang tawo, mahimo nga mangompra lang una, mo-snacks, o motan-aw lang una sa cine. Porbidang hayahaya.

Matud ni Castillo hapit na mahuman ang gitukod nga tulo ka andana nga financial center, anaa duol ra pud sa executive building. Ug lagmit makabalhin na sila sunod buwan.

Tuyo niini mao nga ang tanang finance components sa dakbayan mahimutang sa usa lamang ka building, sama sa treasury, budgeting, assessor’s, accounting, ug ang financial transactions sa mga establishments sa South Road Properties, nagkanayon si Castillo.

Nahug ni og one-stop-shop. Convenient gyud kaayo alang sa mga magbubuhis ug sa mga magpapatigayon. Sa separate nga interview uban sa The Freeman, si Mayor Edgar Labella nagkanayon nga kining maong lakang, maka-decongest sa city hall.

Dugang niini, sa dili madugay, ang mga magbubuhis ug ang mga negosyante mahimo nang mobayad sa buhis ngadto sa accredited nga mga bangko, sama sa PNB, Land Bank, Philippine Veterans Bank, ug DBP.

“We have to have a business-friendly atmosphere,” matud ni Labella, pahiuyon sa tinguha ni Presidente Digong Duterte paghatag og kasayon niadtong buot makig-transact uban sa gobyerno.

* * *

Sa lungsod sa Barili, ang Konseho mipasar og ordinansa nga nagdili sa mga estudyante sa elementary ug secondary paggamit sa cell phone sulod sa lawak-tunghaan panahon sa klase.

Nindot ni, kay gawas nga makadisturbo ug maka-distract sa klase, namatikdan nga ang mga cell phones, matud pa, “have lewd and violent content on line.” Ug natural makadaot kini sa  paminsar sa kabataan.

Sa mga pagtuon nga gihimo, nasuta nga ang subrang pagka-exposed ngadto niining maong mga gadgets sama sa cell phone maka-apektar sa panghunahuna sa hingtungdang user, ug sama sa druga, maka-addict usab.

EDGAR LABELLA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with