Unsay buhaton kon mi-expire na ang certificate authorizing registration nga gi-issue sa BIR?
Dear Atty. Divine,
Ang akong mama og papa mi-donate nako og property. Amo nang nabayran ang donor’s tax sa BIR. Apan sa dihang nasakit akong mga ginikanan nataligam-an namo og process ang pag-transfer sa tax declaration ug sa title. Pagsusi nako sa dokumento 2015 pa na issue ang Certificate Authorizing Registration or CAR so pagkakaron mi-expire na. Ang akong pangutana kon pwede pa ba ni nako magamit ang CAR sa pag-process sa transfer bisan kun mi expire na kini? Daghang salamat. —Gina
Dear Gina,
Kun mi-expire na ang Certificate Authorizing Registration or CAR, kinahanglan nga magpa re-issue ka sa CAR sa BIR kay dili na nimo magamit ang expired nga CAR. Ang imong buhaton mao ang paghimo og letter request ngadto sa BIR alang sa re-issuance sa CAR, kinahanglan nga imong isukip ang origical copy sa CAR ug ang tanang supporting documents lakip na ang Deed of Donation ug ang resibo sa pagbayad og donor’s tax. Sa higayon nga ma isyuhan ka og CAR then mao kini ang imong gamiton sa pag-process sa transfer sa Tax Declaration ug sa Title. Thanks and God bless. —Atty. Divine
* * *
Alang sa inyong pangutana, ipadala lang sa Legal Corner sa Banat News or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest