Happy 100th birthday, Freeman
JAV, BANATI! - Javier Y. Tapulado (Banat) - July 21, 2019 - 12:00am

Wala pa ko matawo, gihimugso na ang The Freeman Newspaper gikan sa sabakan sa kasingkasing ni Don Paulino Arandia Gullas niadtong Mayo 10, 1919, diin nabati ug nakita sa mga Sugboanon ang kalanog sa iyang pag-uha.

Human ko sulayig pakli ang mga panid sa iyang kagahapon, napalgan ko kining usa sa iyang mga prinsipyo o konsepto bahin sa kalibotan sa journalism. Niya pa:

“In the hands of the unscrupulous and unprincipled journalists, the press is the ugliest weapon of destruction forged in the furnace of Satan. But committed to the hands of men who are true to the ethics of their profession, it is the greatest empire builder, the greatest educator, the greatest molder of public opinion, the best preserver of law and order, and the most faithful handmaid of private and public morals.”

Pagkatahom sa gabayan nga iyang gibilin kanatong mga journalists, kolumnista, komentarista, reporters ug uban pang kauban sa media, kinsa gusto niya pirmeng pandongan sa Journalism Code of Ethics and Discipline aron maoy mopatigbabaw ang kalinis sa panibya.

Niadtong makinilya pay atong gigamit, inig sumiter sa mga sinulat ngadto sa opisina sa The Freeman/Banat News ubos sa pagdumala ni anhing Publisher/Editor-in-Chief Juanito V. Jabat, inig saka nato sa hagdan, maoy mosugat ang nagdupang pahinumdom sa bungbong: ‘Observe Journalism Code of Ethics’.

May nangutana: “Nganong sa Hulyo 19, 2019 man gisaulog ang 100th anniversary sa The Freeman? Nganong dili man niadtong Mayo 10?”

Kini tungod kay dihang naagian sa Ikaduhang Gubat sa kalibotan ang maong mantalaan, nalukapa sab kini dungan sa pagkahagba sa mga sundalong nangamatay tungod ug alang sa atong nasod. Ug pagpanglabay sa mga katuigan human maangkon sa Pilipinas ang kagawasan, pag-abot sa tungatungang bahin sa 1960’s, gibanhaw ni Sir Jose ‘Dodong Gullas’ ang The Freeman newspaper human makapananghid sa nabiyuda na niyang iyaan.

Busa, misidlak pagbalik ang bulawanong kahayag niini sa sidlakan ug hangtod karon nagpadayon ang iyang pagbusilak uban sa iyang manghod, TF Banat News ning panahon nga sa pagpindot mo lang sa screen, makita na ang mga panghitabo tibuok kalibotan.

Tinamod nga The Freeman, ning kasumaran sa imong pagkahimugso, Happy 100th Birthday. Go on sailing!

FREEMAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with